Lilja Alfreðs­dóttir utan­rík­is­ráð­herra segir að Ther­esa May, hinn nýi for­sæt­is­ráð­herra Bret­lands, sé að koma mjög vel út í sínum störf­um. Í við­tali við Frétta­blaðið seg­ist Lilja impóneruð yfir því hvern­ig tekið var á mál­unum eftir að nið­ur­stöður Brex­it-­kosn­ing­anna lágu fyr­ir. 

„Ther­esa May er að koma mjög vel út. Það var auð­vitað ákveðin póli­tísk upp­lausn og tóma­rúm í smá tíma en Bret­land er stór­veldi. Sjötta stærsta hag­kerfi heims­ins. Það kemur ekki á óvart að þeir taki málin föstum tök­um. Það sem ég held að muni ger­ast núna er að þeir ætli að skil­greina sín samn­ings­mark­mið áður en þeir fara í við­ræð­ur,“ segir Lilja í Frétta­blað­in­u. 

Hún segir nauð­syn­legt að umboð frá þjóðum sem vilja sækj­ast eftir aðild að sam­band­inu þurfa að vera mjög skýrt. Hún segir það hafa skort þegar Íslend­ingar fóru í sína veg­ferð með ESB og því hafi það endað eins og það gerð­i. 

Hún segir stöð­una í Tyrk­landi afar slæma og nauð­syn­legt sé að fylgj­ast náið með þróun mála. Hvorki hún né nokkur annar geti spáð fyrir um áhrifin í fram­hald­inu.