Forysta Pírata, VG og Samfylkingar útilokar samstarf við Sjálfstæðisflokk

Forystufólk Pírata, Vinstri grænna og Samfylkingar útiloka samstarf við Sjálfstæðisflokkinn eftir næstu kosningar. Formaður VG og þingflokksformaður Pírata segja flokkinn hafa stimplað sig frá samstarfi með því að útiloka kerfisbreytingar.

Birgitta Jónsdóttir, Oddný Harðardóttir og Katrín Jakobsdóttir útiloka allar samstarf við Sjálfstæðisflokk eftir næstu kosningar.
Birgitta Jónsdóttir, Oddný Harðardóttir og Katrín Jakobsdóttir útiloka allar samstarf við Sjálfstæðisflokk eftir næstu kosningar.
Auglýsing

Birgitta Jóns­dótt­ir, þing­flokks­for­maður Pírata, Katrín Jak­obs­dótt­ir, for­maður VG, og Oddný Harð­ar­dótt­ir, for­maður Sam­fylk­ing­ar, úti­loka allar sam­starf við Sjálf­stæð­is­flokk­inn eftir næstu kosn­ing­ar. Þær gagn­rýna allar harð­lega skrif Sig­mundar Dav­íðs Gunn­laugs­son­ar, for­manns Fram­sókn­ar­flokks­ins, um að ekki eigi að kjósa í haust. Birgitta und­ir­strikar að hún geti þó ekki talað fyrir alla Pírata.

Stimpl­aði sig frá sam­starfi

Birgitta segir Sjálf­stæð­is­flokk­inn hafa stimplað sig út úr mögu­leikum á sam­starfi með Pírötum þegar hann hafn­aði til­lögum um kerf­is­breyt­ing­ar. 

„Mál eins og Stjórn­ar­skrá­in, hvernig þingið fún­ker­ar, hvernig stjórn­sýslan virkar og breyt­ingar á henni, sem og und­ir­stofn­unum ráðu­neyta,“ segir Birgitta í sam­tali við Kjarn­ann. Hún segir flokka eiga að ganga til kosn­inga þannig að menn viti hverjir vilji vinna sam­an.  

Auglýsing

Vilja vinna til vinstri

Katrín Jak­obs­dóttir tekur í sama streng og Birgitta. 

„Við höfum verið algjör­lega afdrátt­ar­laus með það allan tím­ann að við viljum vinna til vinstri. Þannig viljum við vinna og ég tel eðli­legt að ef stjórn­ar­and­staðan fær til þess um umboð þá er eðli­legt að hún myndi rík­is­stjórn byggða á mál­efn­um,“ segir Katrín við Kjarn­ann. Hún nefnir þar efna­hags- og atvinnu­líf, jöfn­uð, öfl­ugt vel­ferð­ar­kerfi og sjálf­bæra atvinnu­stefnu með hags­muni nátt­úr­unnar í for­gangi. „Við liggjum lengst frá Sjálf­stæð­is­flokknum í okkar stefn­u,“ segir hún. 

„Hann stimpl­aði sig frá sam­starfi við stjórn­ar­and­stöð­una þegar hann lýsti því yfir að hann muni berj­ast gegn öllum kerf­is­breyt­ing­um.“ 

„Aldrei sam­starf við Sjálf­stæð­is­flokk­inn“

Oddný Harð­ar­dóttir er afdrátt­ar­laus. 

„Það verður aldrei sam­starf við Sjálf­stæð­is­flokk­inn,“ segir hún. „Það er of stutt síðan við vorum með þeim í rík­is­stjórn og það fór ekki vel. Fram­sókn er auð­vitað með félags­lega taug en við mundum alltaf snúa okkur að stjórn­ar­and­stöð­unni fyrst,“ segir Odd­ný. 

Nær Við­reisn en VG

Birgitta segir að Við­reisn sé flokkur sem Píratar gætu fundið sam­hljóm með. 

„Að mörgu leyti erum við nær þeim heldur en VG um margt - en það er ómögu­legt að sjá hvernig þetta fer. Ég hef aldrei séð jafn mikla óvissu í kring um nokkrar kosn­ing­ar, þegar það er svona stutt í kosn­ing­ar, ef þær verða þá í haust,“ segir hún. „Þetta eru ein­hverjar mik­il­væg­ustu kosn­ingar í sögu lands­ins.“ 

„Þá eru þeir bara svik­ar­ar“

Sig­mundur Davíð boð­aði end­ur­komu sína í stjórn­málin í gær og sagði þar að kosn­ingar í haust væru glapræð­i. 

Oddný segir Sig­urð Inga Jóhanns­son for­sæt­is­ráð­herra og Bjarna Bene­dikts­son fjár­mála­ráð­herra hafa staðið í tröppum þing­húss­ins og lofað að stytta kjör­tíma­bilið um eitt þing. 

„Í stefnu­ræðu sinni tal­aði for­sæt­is­ráð­herra um þrjú mál sem þurfi að klára: gjald­eyr­is­höft­in, hús­næð­is­málin og gjald­töku fyrir heil­brigð­is­kerf­ið. Það er frá­geng­ið,“ segir hún. „Það er ekk­ert hægt að bæta við. Þá eru þeir bara svik­arar og eru að svíkja fólkið í land­inu enn einu sinn­i.“

Tákn­mynd um það sem koma skal

Birgitta segir að það sé ekki hægt að breyta yfir­lýs­ingum frá for­sæt­is­ráð­herra um kosn­ingar í haust.  

„Ef þeir geta ekki staðið við þetta lof­orð, þá er það tákn­mynd um það hvað þeir eiga erfitt með að standa við yfir­lýs­ingar eftir kosn­ing­ar. Orð skulu standa. Það er ekki hægt að bjóða fólki upp á þetta,“ segir hún. „Það er ótrú­legt að for­seti Alþingis hafi ekki meira bein í nef­inu en svo að hann sendi frá sér skýr skila­boð að ef fólk kemur ekki með mál í upp­haf þings mundu þau ekki fara á dag­skrá. Það mundi auka virð­ingu Alþing­is.“

Aldrei hægt að gefa sér fjögur ár

Katrín segir enga rík­is­stjórn geta gefið sér það að hún hafi nákvæm­lega fjögur ár til að ljúka verk­efn­um. 

„Það hefði verið eðli­legt að kjósa síð­asta vor,“ segir hún. „Það er skrýtið að fyrr­ver­andi for­sæt­is­ráð­herra átti sig ekki á ástæð­unni fyrir því að það var ákveðið að ganga til kosn­inga. Starfs­á­ætlun Alþingis var breytt til að kjósa í haust og það eru allir aðrir að miða við þetta.“

Upp­fært klukkan 11:30

Ekki náð­ist í Ótt­arr Proppé, for­mann Bjartrar fram­tíð­ar, við vinnslu þess­arar frétt­ar. Við­brögð hans og Bene­dikts Jóhann­es­son­ar, for­svars­manns Við­reisn­ar, má sjá hér

Ekki náð­ist í Bjarna Bene­dikts­son, for­mann Sjálf­stæð­is­flokks, eða Sig­urð Inga Jóhanns­son for­sæt­is­ráð­herra í morg­un. 

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Samtal við samfélagið – English
Samtal við samfélagið – English
Samtal við samfélagið – Climate Strikes and Societal Responsibility
Kjarninn 22. október 2019
Samtal við samfélagið – English
Samtal við samfélagið – English
Samtal við samfélagið – Women in prison
Kjarninn 21. október 2019
Curio hlaut Nýsköpunarverðlaunin
Elliði Hreinsson er framkvæmdastjóri og stofnandi Curio.
Kjarninn 21. október 2019
Ef ég væri VG þá myndi ég láta mig hverfa
Björn Leví Gunnarsson, þingmaður Pírata, gagnrýndi stjórnvöld fyrir stefnuleysi í málefnum fjármálakerfisins og mögulega sölu á eignarhlutum í ríkisbönkunum.
Kjarninn 21. október 2019
Samkvæmisleikur að geta til um stefnu stjórnvalda í bankamálum
Oddný Harðardóttir, þingmaður Samfylkingarinnar, var málshefjandi umræðu um sölu á ríkisbönkunum. Bjarni Benediktsson, fjármála- og efnahagsráðherra, minnti hana á að hún hefði mælt fyrir frumvarpi sem ráðherra um sölu á bönkum.
Kjarninn 21. október 2019
Jón Grétar Guðjónsson
Ekki láta góða kreppu fara til spillis – nýttu hana sem tækifæri
Kjarninn 21. október 2019
Þórður Snær Júlíusson
Það er ekki ósmekklegt að segja satt
Kjarninn 21. október 2019
Sigurður Ingi Jóhannsson
„Sárt og óþolandi að vera bendlaður við þessi spillingarmál“
Samgöngu- og sveitarstjórnarráðherra sést bregða fyrir í nýrri kvikmynd um Panamaskjölin og lögfræðistofuna Mossack Fonseca. Hann segir að eins og honum þyki það sárt og óþolandi að vera bendlaður við þessi spillingarmál þá verði myndinni vart breytt.
Kjarninn 21. október 2019
Meira úr sama flokkiInnlent
None