Sig­urður Ingi Jóhanns­son for­sæt­is­ráð­herra segir að ein­ungis verði kosið í haust ef næst að klára nauð­syn­leg mál fyrir þann tíma. Í við­tali við RÚV segir Sig­urður Ingi að allir í stjórn­ar­flokk­unum séu sam­mála um að að leggja áherslu á að ljúka mál­efnum svo hægt sé að kjósa. Góður sam­hljómur sé á milli hans og Sig­mundar Dav­íðs Gunn­laugs­son­ar, for­manns Fram­sókn­ar­flokks­ins. 

Kjör­dagur þurfi að liggja fyrir með tals­verðum fyr­ir­vara og Sig­urður Ingi seg­ist vænta þess mjög fljót­lega eftir að þing kemur saman verði ljóst hvort þingið sé ekki á áætl­un. 

„Það gekk mjög vel í vor. Þingið starf­aði af mik­illi skil­virkni og dugn­að­i,“ segir for­sæt­is­ráð­herra við RÚV. „Ég hef sömu vænt­ingar til þings­ins núna og í vor, að það muni ganga mjög vel.“

 Þó nokkur mál séu þó eft­ir, sem og ný mál sem rík­is­stjórnin hefur boðað og muni leggja mikla áherslu á að klára. Hann nefnir þar afnám hafta á ein­stak­linga og fyr­ir­tæki, sam­spil sér­eigna­sparn­aðar og verð­tryggðra og óverð­tryggðra lána, og hús­næð­is­mál. Að auki liggi fyrir þrjár til­lögur að mik­il­vægum breyt­ingum á stjórn­ar­skrá.