Þor­steinn Sæmunds­son, þing­maður Fram­sókn­ar­flokks­ins, ætlar að gefa kost á sér til að leiða list­ann í Reykja­vík­ur­kjör­dæmi norður fyrir næstu Alþing­is­kosn­ing­ar. Þor­steinn sendi frá sér yfir­lýs­ingu í dag þar sem hann segir að hann hygg­ist, á tvö­földu kjör­dæm­is­þingi sem haldið verði í ágúst í Reykja­vík, gefa kost á sér í fyrsta sæt­i. 

„Ákvörðun mín er tekin vegna hvatn­ingar sem ég hef fengið frá Fram­sókn­ar­mönn­um í Reykja­vík á fram­boði mínu þar. Einnig hefur brott­hvarf t­veggja reyndra þing­manna úr kjör­dæm­inu áhrif á ákvörð­u­m mína en brýnt er að fylla það skarð sem þeir láta eft­ir. Ég mun senda kjör­stjórn flokks­ins í Reykja­vík til­kynn­ingu um fram­boð mitt innan nokk­urra daga,“ segir Þor­steinn í til­kynn­ing­unn­i. 

Frosti Sig­ur­jóns­son, for­maður efna­hags- og við­skipta­nefnd­ar, Sig­rún Magn­ús­dótt­ir, umhverf­is- og auð­linda­ráð­herra, eru þing­menn Fram­sókn­ar­flokks í Reykja­vík norður og þau ætla bæði að hætta fyrir næstu kosn­ing­ar. Vig­dís Hauks­dótt­ir, for­maður fjár­laga­nefnd­ar, sem er í Reykja­vík suð­ur, ætlar líka að hætta.