Starfs­fólk Frétta­blaðs­ins og Vísis hefur sent frá sér yfir­lýs­ingu til stjórn­ar­for­manns 365, for­stjóra og aðal­rit­stjóra fyr­ir­tæk­is­ins, þar sem upp­sögn á yfir­manni ljós­mynda­deildar 365, Pjet­urs Sig­urðs­son­ar, er mót­mælt harð­lega. Upp­sögnin er sögð óverð­skulduð í yfir­lýs­ing­unn­i. 

„Jafn­framt eru hörmuð óásætt­an­leg vinnu­brögð aðal­rit­stjóra og yfir­stjórnar fyr­ir­tæk­is­ins í aðdrag­anda upp­sagnar Pjet­urs og við kynn­ingu á henni til sam­starfs­manna hans,“ segir í yfir­lýs­ing­unni, sem var sam­þykkt ein­róma á fundi starfs­manna Frétta­blaðs­ins og Vísis í gær. „Við beinum því til stjórn­ar og stjórn­enda 365 að tryggja að slík fram­ganga, sem grefur undan fag­legum grunni og trú­verð­ug­leika frétta­stof­unn­ar, geti ekki end­ur­tekið sig.“ Pjetur hafi þriggja ára­tuga reynslu sem blaða­ljós­mynd­ari. Þar af sé þrettán ára starfs­fer­ill hjá Frétta­blað­inu og Vísi. „Hann á að baki far­sælan feril og hefur reynst góður sam­starfs­mað­ur.

Við teljum að öll með­ferð máls­ins hafi skaðað alvar­lega það traust sem verður að ríkja innan rit­stjórn­ar­inn­ar,“ segir að lokum í yfir­lýs­ing­unn­i. 

Líkt og Kjarn­inn greindi frá fyrir helgi var Pjetri sagt upp störf­um, en hann hafði kvartað undan ein­elti af hendi Krist­ínar Þor­steins­dótt­ur, aðal­rit­stjóra fyr­ir­tæk­is­ins. Frétta­­tím­inn greindi fyrst frá ein­elt­is­­mál­inu í maí síð­­ast­liðn­­­um. Eftir að Pjetur kvart­aði undan ein­elti setti mannauðs­­stjóri fyr­ir­tæk­is­ins í gang for­m­­lega athugun á mál­inu. Þeirri athugun var hins vegar hætt eftir að Kristín komst á snoðir um mál­ið, og þá var Pjetur sendur í leyfi. Þetta var í byrjun maí. Skömmu síðar lét mannauðs­­stjór­inn af störfum hjá fyr­ir­tæk­in­u. 

Kjarn­inn hefur reynt að ná tali af bæði Krist­ínu Þor­steins­dótt­ur, aðal­rit­stjóra 365, og Sæv­ari Frey Þrá­ins­syni, for­stjóra fyr­ir­tæk­is­ins, án árang­ur­s. 

Yfir­lýs­ing starfs­mann­anna í heild sinn­i: 

Til stjórn­ar­for­manns 365, for­stjóra og aðal­rit­stjóra. 

Við, starfs­menn Frétta­blaðs­ins og Vís­is, mót­mælum harð­lega óverð­skuld­aðri upp­sögn yfir­manns ljós­mynda­deildar 365, Pjet­urs Sig­urðs­son­ar. Jafn­framt eru hörmuð óásætt­an­leg vinnu­brögð aðal­rit­stjóra og yfir­stjórnar fyr­ir­tæk­is­ins í aðdrag­anda upp­sagnar Pjet­urs og við kynn­ingu á henni til sam­starfs­manna hans. 

Við beinum því til stjórnar og stjórn­enda 365 að tryggja að slík fram­ganga, sem grefur undan fag­legum grunni og trú­verð­ug­leika frétta­stof­unn­ar, geti ekki end­ur­tekið sig. 

Pjetur Sig­urðs­son hefur þriggja  ára­tuga reynslu sem blaða­ljós­mynd­ari. Þar af þrettán ára starfs­feril hjá Frétta­blað­inu og Vísi. Hann á að baki far­sælan feril og hefur reynst góður sam­starfs­mað­ur. 

Við teljum að öll með­ferð máls­ins hafi skaðað alvar­lega það traust sem verður að ríkja innan rit­stjórn­ar­inn­ar.

Sam­þykkt ein­róma á fundi starfs­manna Frétta­blaðs­ins og Vís­is  8. ágúst 2016.