Katrín Jak­obs­dóttir og Svan­dís Svav­ars­dóttir munu leiða lista Vinstri grænna í Reykja­vík­ur­kjör­dæm­unum tveim­ur, sam­kvæmt til­lögu upp­still­ing­ar­nefndar flokks­ins. Þetta kemur fram á Eyj­unni. 

Þá munu Stein­unn Þóra Árna­dóttir þing­maður og Kol­beinn Ótt­ars­son Proppé almanna­teng­ill og pistla­höf­undur skipa annað sæti í sitt­hvoru kjör­dæm­inu, sam­kvæmt Eyj­unni. Katrín og Svan­dís leiddu lista flokks­ins í síð­ustu kosn­ingum og eru báðar sitj­andi þing­menn. Það er Stein­unn Þóra einnig, en hún var vara­þing­maður í upp­hafi kjör­tíma­bils­ins og kom inn á þing þegar Árni Þór Sig­urðs­son lét af þing­störfum og varð sendi­herra.

Kol­beinn hefur und­an­farið ár starfað hjá almanna­tengsla­fyr­ir­tæk­inu Aton og hann hefur skrifað pistla í Kjarn­ann. Hann starf­aði lengi sem blaða­maður á Frétta­blað­inu. Áður en hann varð blaða­maður þar leiddi hann lista Vinstri grænna í Suð­ur­kjör­dæmi fyrir kosn­ing­arnar 2003, en náði ekki kjöri. Hann er því ekki nýr í starfi VG. 

Kosið verður um til­lögu upp­still­ing­ar­nefnd­ar­innar á fundi á mánu­dag­inn.