Fyrr­ver­andi fjár­mála­stjóri (CFO) fast­eigna­fé­lags­ins Amer­ican Rea­lity Capi­tal Properties var hand­tek­inn á heim­ili sínu í Penn­syl­vaníu síð­ast­lið­inn fimmtu­dag og ákærður síðar sama dag fyrir að fasla rekstr­ar­af­komu­tölu félags­ins. Hann bæt­ist þar með í hóp stjórn­enda félags­ins sem leiddir hafa verið fyrir dóm­ara vegna fjársvika félags­ins.

Preet Bharara, sak­sókn­ari á Man­hatt­an, sagði á blaða­manna­fundi að lygar fyr­ir­tækja um rekstr­ar­af­komu­tölur væru mann­anna verk, og þær hefðu miklar afleið­ingar fyrir fjár­festa sem tækju ákvarð­anir á grund­velli þeirra gagna sem væru kynnt­ar. „Það er mik­il­vægt að ákæra í þessum málum og leiða þau til lykta,“ sagði Bharara enn frem­ur. 

Brian Block, for­stjóri fyr­ir­tæk­is­ins og þekktur fast­eigna­mó­gull á Man­hatt­an, hefur einnig verið ákærður og end­ur­skoð­andi félags­ins, Lisa McAll­ister, ját­aði sök, þegar spjót­unum var beint að henni í dóms­máli í júní. Hún var sökuð um að hylma yfir raun­veru­lega stöðu félags­ins, sem féll eins og spila­borg haustið 2014 en fall á mark­aðsvirði þess nam um fjórum millj­örðum Banda­ríkja­dala, eða um 500 millj­örðum króna, á örfáum dög­um. 

Strax í kjöl­farið hófu yfir­völd að rann­saka félag­ið, eftir mik­inn þrýst­ing frá fjár­fest­um, sem töldu kynn­ingar stjórn­enda félags­ins á fjár­hags­legum styrk þess ekki hafa verið í sam­ræmi við raun­veru­lega stöðu þess. 

Í New York Times segir að ekki séu enn komin öll kurla til graf­ar, enda hafði fall fyr­ir­tæk­is­ins víð­tækar afleið­ingar fyrir fjár­festa, bæði á hluta­bréfa- og skulda­bréfa­mark­að­i.