Fimm stærstu lög­manns­stofur lands­ins högn­uð­ust um 1.645 millj­ónir króna sam­an­lagt á síð­asta ári. Logos, stærsta lög­manns­stofa lands­ins, hagn­að­ist lang­mest, eða um 824 millj­ónir króna eftir skatta. Hagn­aður hennar 2014 hafði verið 616 millj­ónir króna. Starf­semi stof­unnar í London átti stóran þátt í bættri afkomu hennar á milli ára. Hinar fjórar stof­urnar eru Lex, BBA Legal, Lands­lög og Mörk­in. Frá þessu er greint í DV í dag.

Afkoma flestra íslenskra lög­manns­stofa batnað mikið í kjöl­far hruns­ins sem varð haustið 2008 vegna auk­inna umsvifa í tengslum við gjald­þrot og fjár­hags­lega end­ur­skipu­lagn­ingu margra stærstu fyr­ir­tækja lands­ins.

Logos er stærsta lög­­fræð­i­­stofa lands­ins og hefur verið í sér­­­flokki þegar kemur að hagn­aði árum sam­an. Stofan hefur meðal ann­ars unnið mikið fyrir erlenda aðila sem átt hafa hags­muna að gæta á Íslandi, sér­stak­lega í tengslum við upp­gjör gömlu bank­anna. Sam­an­lagt hefur Logos hagn­ast um 5,3 millj­arða króna frá banka­hruni. Eig­endur stof­unnar eru 17 tals­ins. Áætlað er að hver og einn eig­andi hafi fengið 48,5 millj­ónir króna í arð vegna frammi­stöðu stof­unnar í fyrra. Í frétt DV segir að starf­semi Logos erlendis sé ábyrg fyrir um 40 pró­sent af hagn­aði stof­unn­ar. Hagn­aður BBA Legal, Lands­laga og Mark­ar­innar jókst í fyrra en hann dróst saman hjá Lex og var 146 millj­ónir króna.