Fram­boð Dav­íðs Odds­sonar til for­seta Íslands kost­aði tæp­lega 28 millj­ónir króna. Þetta kemur fram í útdrætti úr upp­gjöri hans, sem hann hefur skilað til Rík­is­end­ur­skoð­un­ar. Það er hæsta upp­hæðin sem eytt var í kosn­inga­bar­áttu, af þeim sem eru búnir að skila inn upp­gjöri sínu. Guðni Th. Jóhann­es­son, for­seti Íslands, eyddi um 25 millj­ónum króna í sitt fram­boð. 

Hann fékk ríf­lega átta millj­ónir króna frá lög­að­ilum og einnig frá ein­stak­ling­um. Ríf­lega ell­efu millj­ónir króna komu frá honum sjálf­um. 400 þús­und krónur komu frá eig­in­konu hans, Ástríði Thoraren­sen. 

Meðal ann­arra sem gáfu Davíð hámarks­fram­lagið sem ein­stak­lingar mega gefa, 400 þús­und krón­ur, eru Þórólfur Gísla­son kaup­fé­lags­stjóri í Kaup­fé­lagi Skag­firð­inga, og Krist­ján Lofts­son útgerð­ar­mað­ur. Hann fékk tæp­lega 3,5 millj­ónir frá 43 öðrum ein­stak­ling­um, sem gáfu minna en 200 þús­und krón­ur. 

Kaup­fé­lag Skag­firð­inga gaf honum einnig hámarks­fram­lagið 400 þús­und krón­ur, það gerðu líka Bygg­inga­fé­lag Gylfa/G­unn­ars, Kjarna­fæði, Krossa­nes eign­ir, Lands­prent, Lýsi, Orbis Invest, Still­ing og Brekku­hús ehf. 

Þá er tals­vert um útgerð­ar­fé­lög í hópi þeirra sem gáfu honum hámarks­upp­hæð, Ein­hamar Seafood, Ísfé­lag Vest­manna­eyja, Rammi hf, Þor­björn hf og ÞR ehf, eru meðal þeirra. ÍSAM, Íslensk Amer­íska, gaf einnig 400 þús­und krón­ur, en félagið er í eigu sömu aðila og Ísfé­lag­ið, sem einnig eru stærstu eig­endur Morg­un­blaðs­ins, þar sem Davíð er rit­stjóri.