Virð­ing hf., hefur ákveðið að opna skrif­stofu í London. Henni verður stýrt af Gunn­ari Sig­urðs­syni, sem starfað hefur sem sér­fræð­ingur á fram­taks­sjóða­sviði Virð­ingar und­an­far­ið. Gunnar mun bera starfs­heitið fram­kvæmda­stjóri Virð­ingar í Bret­landi. Gunnar var á árum áður for­stjóri Baugs Group, eins stærsta fjár­fest­inga­fé­lags Íslands fyrir hrun. Áður en Gunnar réð sig til Virð­ingar starf­aði hann meðal ann­ars í Bret­landi og sem ráð­gjafi skila­nefnda Lands­bank­ans varð­andi eignir hans þar sem höfðu verið í eigu Baugs. Um var að ræða eignir á borð við Iceland Foods, House of Frasier og Hamleys.

Í frétta­til­kynn­ingu frá Virð­ingu kemur fram að fyr­ir­tækið hafi sótt um til­skilin leyfi til breska fjár­mála­eft­ir­lits­ins til að opna skrif­stofu í London. Gert er ráð fyrir að hún taki til starfa á síð­asta árs­fjórð­ungi 2016 og muni hafa starfs­heim­ildir til fyr­ir­tækja- og fjár­fest­inga­ráð­gjaf­ar, auk mót­töku og miðl­unar við­skipta­fyr­ir­mæla.

Hannes Frí­mann Hrólfs­son, for­stjóri Virð­ing­ar, segir að starf­semi fyr­ir­tæk­is­ins hafi vaxið mikið að und­an­förnu og opnun skrif­stofu í London sé liður í að styrkja stöðu þess í þjón­ustu við við­skipta­vini og að greiða fyrir frek­ari fjár­fest­ingu erlendra aðila á Íslandi. „Hér­lendis hefur orðið jákvæð efna­hags­leg þró­un, fjár­hags­leg styrk­ing rík­is­ins og bætt áhættu­flokkun þess á erlendum mörk­uðum og í fram­haldi af þeirri þróun og áfram­hald­andi losun fjár­magns­hafta teljum við að tíma­setn­ingin sé hár­rétt til að taka þetta skref og nýta það viða­mikla tengsla­net sem félagið og starfs­menn þess búa yfir­.“ 

Virð­ing er verð­bréfa­fyr­ir­tæki sem veitir fjár­fest­inga­tengda þjón­ustu á sviði eigna­stýr­ing­ar, mark­aðsvið­skipta, fyr­ir­tækja­ráð­gjafar og rekst­urs fram­taks­sjóða. Hjá Virð­ingu starfa 34 sér­fræð­ingar og hefur félagið starfs­leyfi sem verð­bréfa­fyr­ir­tæki og starfar undir eft­ir­liti Fjár­mála­eft­ir­lits­ins. Virð­ing er með um 105 millj­arða króna í eigna­stýr­ingu.