Gunnar Bragi Sveins­son, sjáv­ar­út­vegs- og land­bún­að­ar­ráð­herra, hefur falið Byggða­stofnun að útfæra til­lögur að skatta­legum íviln­unum sem eiga að birt­ast í nýrri byggða­á­ætl­un. „Þær leiðir sem við erum helst að horfa í er lækkun á trygg­ing­ar­gjaldi því lengra sem komið er frá höf­uð­borg­ar­svæð­inu, lækkun á ferða­kostn­aði fyrir þá sem sækja vinnu langt að og nið­ur­fell­ingu á náms­lánum hjá fólki sem býr á svoköll­uðum veikum svæð­u­m.“ Þetta kom fram í ræðu hans á ráð­stefn­unni „Bú­setu­þróun á Íslandi til árs­ins 2030“ sem Byggða­stofnun og atvinnu­vega- og nýsköp­un­ar­ráðu­neytið stóðu fyrir í vik­unni.

Vinna að þings­á­lykt­un­ar­til­lögu um stefnu­mót­andi byggða­á­ætlun sem á að gilda frá 2017 til 2023 hófst í lok síð­asta árs. Áætl­un­inni er ætlað að lýsa stefnu rík­is­ins í byggða­málum hverju sinni og sam­hæf­ingu við aðra stefnu­mótun og áætl­ana­gerð hins opin­berra. Þar sem áætl­unin á að gilda í sjö ár, tæp tvö kjör­tíma­bil, á hún að marka stefnu næstu tveggja rík­is­stjórna hið minnsta óháð því hverjir sitja í þeim. 

Í til­kynn­ingu frá ráðu­neyti Gunn­ars Braga, sem hefur mála­flokk byggða­mála á sinni könn­un, segir að byggða­á­ætlun skuli „hafa að meg­in­mark­miði að jafna tæki­færi allra lands­manna til atvinnu og þjón­ustu, jafna lífs­kjör og stuðla að sjálf­bærri þróun byggð­ar­laga um land allt. Sér­staka áherslu skal leggja á svæði sem búa við langvar­andi fólks­fækk­un, atvinnu­leysi og ein­hæft atvinnu­líf.“

Undi­búa og móta fram­tíð­ina

Á ráð­stefn­unni voru kynntar nið­ur­stöður sviðs­mynda­grein­ingar á búsetu­þróun til árs­ins 2030. Í frétta­til­kynn­ing­unni seg­ir: „Sviðs­myndir eru við­ur­kennd aðferða­fræði til að rýna fram­tíð­ina, skilja umhverfið og skapa sam­eig­in­legan skiln­ing á því hvað rétt er að gera í dag til að und­ir­búa og móta fram­tíð­ina. Hlut­verk sviðs­mynda er að gefa okkur hug­mynd um hvernig trú­verð­ugar „fram­tíð­ir“ gætu litið út. Það er mik­il­vægt að skilja að við sköpun fram­tíð okkar með því sem við gerum eða gerum ekki í dag. Því er það rök­rétt að reyna að velta því upp hvernig fram­tíðin gæti litið út, áður en við þurfum að bregð­ast við. Þar gagn­ast sviðs­myndir best – til að skilja hvernig fram­tíðin lítur út áður en þurfum að bregð­ast við.

Mark­mið sviðs­mynda er ekki að segja fyrir um fram­tíð­ina, heldur búa okkur undir það að lifa með óviss­unni og skilja í hverju hún felst. Mæli­kvarði um hvort sviðs­myndir eru góðar eða slæmar felst ekki í því hvernig og hve vel þær ræt­ist í fram­tíð­inni heldur hvort þær leiði til betri ákvarð­ana í dag.“