Eygló Harð­ar­dóttir ákvað, eftir að ljóst var að Sig­urður Ingi Jóhanns­son yrði for­maður Fram­sókn­ar­flokks­ins, að hætta við fram­boð sitt í emb­ætti vara­for­manns flokks­ins. Áður en fram­boðs­ræður vara­for­manns­efna hófust til­kynnti hún þetta.

Eygló lýsti yfir stuðn­ingi við Lilju Alfreðs­dóttur í emb­ættið en þær tvær, auk Vil­helms Úlf­ars Vil­helms­son­ar, höfðu lýst yfir fram­boði til vara­for­manns. Eygló sagði að það hefði engum dulist að tvær fylk­ingar hefðu tek­ist á innan flokks­ins og að það hafi verið erfitt að starfa innan flokks­ins. Hún myndi stíga til hliðar því henni þætti eðli­legt að full­trúi hinnar fylk­ing­ar­inn­ar, þeirrar sem studdi Sig­mund Dav­íð, yrði vara­for­maður flokks­ins fyrst Sig­urður Ingi varð kjör­inn.

Kosn­ing til var­for­manns fer fram með sama hætti og kosn­ing til for­manns flokks­ins og má búast við úrslitum fyrir kvöld­mat.

Sig­mundur er far­inn

Sig­mundur Davíð Gunn­laugs­son yfir­gaf Háskóla­bíó þegar nið­ur­stöður úr for­manns­kjör­inu lágu fyr­ir. Blaða­maður mbl.is spurði hann áður en gat ekið af stað í bíl sínum hvað tæki nú við. „Við sjáum bara til,“ sagði Sig­mund­ur.

Sig­mundur Davíð skipar efsta sæti fram­boðs­lista Fram­sókn­ar­flokks­ins í Norð­aust­ur­kjör­dæmi. Í það sæti fékk hann yfir­burða­kosn­ingu.

Kjarn­inn hefur ekki náð tali af Jóhann­esi Þór Skúla­syni, aðstoð­ar­mann Sig­mundar og fjöl­miðla­tengilið flokks­þings­ins, þrátt fyrir ítrek­aðar til­raun­ir.