Sig­­mund­ur Davíð Gunn­laugs­­son, fyrr­ver­andi for­maður Fram­­sókn­­ar­­flokks­ins, ætlar ekki að hætta í Fram­sókn­ar­flokknum og verður áfram odd­viti flokks­ins í Norð­aust­ur­kjör­dæmi í kom­andi kosn­ing­um. Þetta er full­yrt í Morg­un­blað­inu í dag. Þar segir einnig að tal um að Sig­mundur Davíð og hugs­an­lega Gunnar Bragi Sveins­son, sjáv­ar­út­vegs- og land­bún­að­ar­ráð­herra, myndu kljúfa Fram­sókn­ar­flokk­inn eigi ekki við rök að styðj­ast.

Sig­mundur Davíð tap­aði naum­lega fyrir Sig­urði Inga Jóhanns­syni í for­manns­kosn­ingu á flokks­þingi Fram­sókn­ar­flokks­ins um helg­ina. Hann gekk út af flokks­þing­inu á meðan að sig­ur­ræða Sig­urðar Inga stóð yfir og hefur ekki gefið nein við­töl eftir tap­ið. Í Frétta­blað­inu í dag segir Sveinn Hjörtur Guð­finns­son, for­maður Fram­sókn­ar­fé­lags­ins í Reykja­vík og yfir­lýstur stuðn­ings­maður Sig­mundar Dav­íðs, að svindlað hafi verið í for­manns­kjör­inu. Sveinn Hjörtur hélt þessu líka fram á Útvarpi Sögu í gær. Sveinn Hjörtur segir að nokkrir skráðir þing­full­trúar í Reykja­vík hafi ekki verið með kosn­inga­rétt á þing­inu og bætir því við að fjöldi manns hafi sagt sig úr Fram­sókn­ar­flokknum í gær. Hann ætlar að kanna málið betur og kalla í kjöl­farið saman stjórn Fram­sókn­ar­fé­lags­ins í Reykja­vík.

Guð­finna Jóhanna Guð­munds­dótt­ir, borg­ar­full­trúi Fram­sókn­ar­flokks og flug­vall­ar­vina, er líka yfir­lýstur stuðn­ings­maður Sig­mundar Dav­íðs. Hún tekur undir orð Sveins Hjartar og segir við Frétta­blaðið að um helg­ina hafi „flokks­eig­enda­fé­lagið og fjár­magns­öfl­in“ tekið völdin af gras­rót Fram­sókn­ar­flokks­ins um helg­ina. Guð­finna segir einnig að Sig­mundur Davíð hafi lengi átt sér óvini innan flokks og full­yrðir að hann hefði unnið sigur í alls­herj­ar­kosn­ingu, hefðu allir sem voru á þing­inu fengið að kjós­a.