Verð­bréfa­fyr­ir­tækið Virð­ing er að reyna að eign­ast stóran hlut í fjár­fest­inga­bank­anum Kviku. Hannes Frí­mann Hrólfs­son, for­stjóri Virð­ing­ar, og Ármann Þor­valds­son, fram­kvæmda­stjóri fyr­ir­tækja­ráð­gjafar og einn hlut­hafa félags­ins, hafa á und­an­förnum vikum fundað með nokkrum af stærri hlut­höfum Kviku og lýst yfir áhuga á að kaupa hlut þeirra í bank­an­um. Virð­ing hef­ur, með fyr­ir­vara um fjár­mögn­un, þegar sett fram kauptil­boð í bréf í Kviku. Frá þessu er greint í DV.

Þar segir einnig að skýr­ast muni á allra næstu vikum hvort kaupin gangi eft­ir. Þau gætu þá meðal ann­ars verið fjár­mögnuð með aðkomu nýrra einka­fjár­festa að Virð­ingu og leiða til yfir­töku á Kviku. Um haustið 2014 áttu sér síðan stað form­legar við­ræður milli Virð­ingar og MP banka um sam­ein­ingu sem runnu hins vegar út í sand­inn.

Þetta er ekki í fyrsta sinn sem Ármann Þor­valds­son, fyrr­ver­andi banka­stjóri Kaup­þing Sin­ger&Fried­lander í Bret­landi, og aðilar í kringum hann er orð­aður við hlut í Kviku. Sum­arið 2014 var til alvar­legrar skoð­unar að sam­eina Straum fjár­­­fest­ing­­ar­­­banka og MP banka og jafn­­vel fleiri minni fjár­­­mála­­fyr­ir­tæki, eins og Íslensk verð­bréf og Virð­ingu. Ármann sýndi þá áhuga á að kaupa hlut í MP banka en það gekk ekki eft­ir. Þess í stað sam­ein­uð­ust Straumur og MP banki form­lega fyrir um 15 mán­uðum síðan og úr varð Kvika. 

Bók­fært eigið fé Kviku nam tæp­lega 6,2 millj­örðum króna í lok sept­em­ber á þessu ári.

Virð­ing sam­ein­að­ist Auði Capi­tal í byrjun árs 2014.

Hlut­hafar Virð­ingar eru félag í eigu Krist­ínar Pét­urs­dótt­ur, Líf­eyr­is­sjóður Versl­un­ar­manna, Sam­ein­aði líf­eyr­is­sjóð­ur­inn, félag í eigu Guð­bjargar Eddu Egg­erts­dótt­ur, Stafir líf­eyr­is­sjóð­ir, félag í eigu Ármanns Þor­valds­sonar og með­fjár­festa, félag í eigu Vil­hjálms Þor­steins­sonar og félag í eigu Krist­ína Jóhann­es­dóttur og Ásu Karenar Ásgeirs­dótt­ur.