Krefjast þess að Sigmundur Davíð verði ráðherra

Sigurður Ingi Jóhannsson og Sigmundur Davíð Gunnlaugsson
Auglýsing

Það er krafa stuðn­ings­manna Sig­mundar Dav­íðs Gunn­laugs­sonar innan Fram­sókn­ar­flokks­ins að ef flokk­ur­inn ætli í rík­is­stjórn­ar­sam­starf þá verði eina leiðin til sátta við þá að gera Sig­mund Davíð að ráð­herra. Þetta segir Sveinn Hjörtur Guð­finns­son, for­maður Fram­sókn­ar­fé­lags Reykja­vík­ur, við Morg­un­blaðið í dag. Hann segir enn fremur að eina mann­eskjan til að sætta and­stæðar fylk­ingar í flokknum sé Lilja Alfreðs­dótt­ir, nýkjör­inn vara­for­maður hans. 

Anna Kol­brún Árna­dótt­ir, for­maður Lands­sam­bands fram­sókn­ar­kvenna, segir að hún sé á því að völdum í flokknum hafi verið rænt. „Það voru ekki nema 40 at­­kvæði sem skildu Sig­­mund Davíð og Sig­­urð Inga að og þarna mætti fólk og tók þátt í at­­kvæða­greiðsl­unni sem ég hef ekki séð um lang­an tíma í flokks­­starf­inu. Það eru eng­ar sætt­ir á leið­inni meðal flokks­­manna. Ég mun því íhuga mína stöð­u. Ég veit að for­maður og vara­­for­maður flokks­ins gera allt sem þeir geta til að kom­­ast í rík­­is­­stjórn en það er mín per­­són­u­­lega skoðun að við eig­um ekki að gera það.“ 

Segja hóp hafa hvatt til útstrik­ana

Fram­sókn­ar­flokk­ur­inn fékk verstu útkomu í 100 ára sögu sinni í síð­ustu kosn­ing­unum þegar hann fékk 11,5 pró­sent fylgi. Í kosn­ing­unum 2013 hafði hann fengið 24,4 pró­sent. Sig­mundur Davíð hefur sagt að átökin á flokks­þingi, þegar hann var felldur sem for­mað­ur, sé helsta ástæða þess að flokk­ur­inn hefði tapað svona miklu fylgi. Fram­sókn­ar­flokk­ur­inn hefði fengið 18-19 pró­sent atkvæða ef hann hefði enn verið for­mað­ur. 

Auglýsing

Sig­mundur Davíð var sá stjórn­mála­maður í fram­boði sem var strik­aður oft­ast út allra í nýliðnum kosn­ing­um. Alls strik­uðu 18 pró­sent kjós­enda Fram­sókn­ar­flokks­ins í Norð­aust­ur­kjör­dæmi hann út og ein­ungis mun­aði nokkrum tugum atkvæða á að útstrik­anir nægðu til að fella hann niður um sæti. Sig­mundur Davíð sagði að hópur fólks innan flokks­ins hafi ákveðið að verja kosn­inga­bar­átt­unni til að hvetja til útstrik­ana á honum fremur en að afla flokknum fylg­is. 

Anna Kol­brún segir við Morg­un­blaðið að það sé „fótur fyrir því“ að fólk hafi verið hvatt til að strika út Sig­mund Davíð í nýliðnum kosn­ingum þegar það kaus Fram­sókn­ar­flokk­inn í Norð­aust­ur­kjör­dæmi. Páll Marís Páls­­son, for­maður Sam­­bands ungra fram­­sókn­­ar­­manna, seg­ist hins vegar ekki hafa trú á að staðið hafi verið kerf­is­bundið að því að strika út nafn Sig­­mund­ar Dav­íðs.

Brött brekka Sig­mundar Dav­íðs frá því í apríl

Ástæða þess að kosið var nú í októ­ber, en ekki næsta voru þegar kjör­­tíma­bil­inu átti að ljúka, var hið svo­­kall­aða Wintris-­­mál og vera ann­­arra ráð­herra rík­­is­­stjórn­­­ar­innar í Pana­ma-skjöl­unum sem opin­beruð voru í byrjun apríl síð­­ast­liðn­­­um. Wintris-­­mál­ið sner­ist um að Sig­­mundur Davíð hafi átt félag á aflandseyj­unni Tortóla til helm­inga gegn eig­in­­konu sinni. Í félag­inu eru miklar eign­ir, þótt að ekki hafi verið greint frá því opin­ber­­lega nákvæm­­lega hverjar þær eru. Félagið var einnig kröf­u­hafi í slitabú föllnu bank­anna. Sig­­mundur Davíð var spurður út í félagið í sjón­­varps­þætti 3. apríl 2016 og þar sagði hann ósátt um til­­­urð þess og til­­­gang. Hann rauk síðan út úr við­tal­inu. Dag­inn eftir mættu 26 þús­und manns á stærstu mót­­mæli Íslands­­­sög­unnar fyrir framan Alþingi og þriðju­dag­inn 5. apríl sagði Sig­­mundur Davíð af sér sem for­­sæt­is­ráð­herra.

Hann snéri síðan aftur í stjórn­­­mál í lok júlí og reyndi að koma í veg fyrir að kosn­­ingar yrðu haldnar í haust. Hann reyndi einnig að koma í veg fyrir að flokks­­þing Fram­­sókn­­ar­­flokks­ins yrði haldið í aðdrag­anda kosn­­inga en hvor­ugt gekk eft­­ir. Á flokks­­þing­inu bauð Sig­­urður Ingi Jóhanns­­son sig fram til for­­mennsku í Fram­­sókn­­ar­­flokknum gegn Sig­­mundi Davíð og sigr­að­i. 

Fram­sókn­ar­flokk­ur­inn reynir nú hvað hann getur að kom­ast í rík­is­stjórn. Í þeim við­ræðum þá kynna for­svars­menn hans sig, sam­kvæmt heim­ildum Kjarn­ans, sem sjö manna þing­flokk en ekki átta. Með fylgir vil­yrði um að Sig­mundur Davíð muni ekki með neinum hætti hafa aðkomu að þeirri rík­is­stjórn sem Fram­sókn myndi setj­ast í. 

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Guðmundur Árni óskar eftir viðræðum um myndun nýs meirihluta með Framsókn
Samfylkingin bætti við sig um níu prósentustigum af fylgi í Hafnarfirði og er nú með jafn marga bæjarfulltrúa og Sjálfstæðisflokkur, sem tapaði einum. Framsókn er samt með öll tromp á hendi og getur valið með hvorum flokknum myndaður verður meirihluti.
Kjarninn 16. maí 2022
Nýtt valdajafnvægi á Norður-Írlandi – Sögulegur kosningasigur en snúin staða
Í fyrsta skipti í hundrað ára sögu Norður-Írlands er lýðveldisflokkur með flestu sætin á þinginu í Stormont. Óljóst er hins vegar hvort kosning um sameiningu Írlands sé í sjónmáli.
Kjarninn 15. maí 2022
Líf Magneudóttir, oddviti Vinstri grænna í Reykjavík.
Vinstri græn vilja ekki taka þátt í meirihlutaviðræðum
Oddviti Vinstri grænna í Reykjavík segir niðurstöðu kosninganna vonbrigði. Flokkurinn ætlar ekki að sækjast eftir því að sitja áfram í meirihluta. Oddviti Viðreisnar vonast hins vegar til að starfa áfram í meirihluta.
Kjarninn 15. maí 2022
„Börn eiga fyrst og fremst að leika sér og hlæja – ekki þjást og gráta“
Myndlistarmaðurinn Jón Magnússon safnar fyrir prentun á myndlistarbókinni „Á meðan ...“ sem er til styrktar starfi Unicef í Úkraínu.
Kjarninn 15. maí 2022
Bjarni Benediktsson, formaður Sjálfstæðisflokksins, Katrín Jakobsdóttir, formaður Vinstri grænna, og Sigurður Ingi Jóhannsson, formaður Framsóknarflokksins.
Skýrt ákall um breytingar en erfitt að draga heildstæða ályktun
Formenn ríkisstjórnarflokkanna segja niðurstöður sveitarstjórnarkosningar skýrar en túlka hana með mismunandi hætti. Formaður Framsóknarflokksins segir flokkinn í borginni, sem vann mikinn kosningasigur, fara í meirihlutaviðræður af yfirvegun.
Kjarninn 15. maí 2022
Einar Þorsteinsson, ddviti Framsóknarflokksins í Reykjavík, sem vann stóran sigur, segir borgarstjórastólinn ekki vera markmið í sjálfu sér.
Borgarstjórastóllinn ekki markmið í sjálfu sér
Oddvitar stærstu flokkanna í Reykjavík eru varkárir í yfirlýsingum um nýtt meirihlutasamstarf en telja rétt að fráfarandi meirihlutaflokkar stilli saman strengi. Oddviti Framsóknarflokksins segir borgarstjórastólinn ekki vera markmið í sjálfu sér.
Kjarninn 15. maí 2022
Ótvíræður sigurvegari kosninganna, ekki bara í Reykjavík heldur á landsvísu, er Framsóknarflokkurinn.
Sigrar og töp sveitarstjórnarkosninganna
Framsóknarflokkurinn vann sveitarstjórnarkosningarnar, ekki bara í Reykjavík heldur á landsvísu. Sjálfstæðisflokkur mátti þola nokkur erfið töp en vann sigra inn á milli. Vinstri grænum gengur ekkert ná fótfestu í stærstu sveitarfélögum landsins.
Kjarninn 15. maí 2022
Danska kvennasveitin Reddi komst ekki áfram á úrslitakvöld Eurovision á laugardag. Danmörku var eina Norðulandaþjóðin sem komst ekki áfram í úrslit og Danir velta fyrir sér hvað fór úrskeiðis.
Gangtruflanir í dönsku Eurovision vélinni
Í annað skipti í röð mistókst Dönum að komast í úrslit Eurovision söngvakeppninnar. Danskir Eurovision sérfræðingar segja ekki nóg að flytjendur standi sig vel, lagið þurfi að höfða til áhorfenda og dómara.
Kjarninn 15. maí 2022
Meira úr sama flokkiInnlent
None