Ótt­arr Proppé, for­maður Bjartrar fram­tíð­ar, segir að við­ræður milli Bjartrar fram­tíð­ar, Við­reisnar og Sjálf­stæð­is­flokks­ins strandað á Evr­ópu­sam­bands­málum og sjáv­ar­út­vegs­mál­u­m. 

„Á end­anum reynd­ist hug­myndin um að þjóðin fengi að greiða atkvæði um áfram­hald við­ræðna við ESB ann­ars veg­ar, og umbætur í kvóta­kerf­inu hins veg­ar, of stór biti fyrir menn að kyngja.“ 

Það hafi hins vegar verið vel þess virði að taka þátt í stjórn­ar­mynd­un­ar­við­ræðum til að reyna að ná saman um frjáls­lyndar áherslur og umbætur í íslensku sam­fé­lagi. „Björt fram­tíð hefur frá upp­hafi verið skýr um það að við erum til­búin að axla ábyrgð til góðra verka en ekki lélegra. Við höfum staðið fast á þeim prinsipum og munu gera það áfram. Á end­anum er það almanna­hagur sem skiptir máli. Ekk­ert ann­að. Ást og frið­ur,“ skrifar Ótt­arr á Face­book-­síðu sína. 

Pawel Bar­toszek þing­maður segir á Face­book að flokk­ur­inn hafi farið bjart­sýnn inn í við­ræð­urnar og með áherslu á ákveðin mál­efni. Bilið hafi hins vegar reynst óbrú­an­legt að sinni, sér­stak­lega í sjáv­ar­út­vegs­mál­um. Jón Stein­dór Valdi­mars­son þing­maður segir að sér­stak­lega hafi ekki náðst árangur í sjáv­ar­út­vegs­málum og Evr­ópu­mál­u­m. 

Bene­dikt Jóhann­es­son, for­maður Við­reisn­ar, tjáir sig um málið á Vísi. Hann segir þetta auð­vitað von­brigði, því menn færu ekki í svona við­ræður nema með ein­lægum ásetn­ingi um að það gang­i. „Það er nátt­úru­lega rétt að það er lít­ill meiri­hluti og í stórum þing­flokki eru kannski ekki allir sam­stíga,“ segir Bene­dikt. Hann segir erfitt að ná sam­komu­lagi í stórum málum þegar nýir flokkar sem vilji fara í alvöru kerf­is­breyt­ingar komi inn.