Skulda­staða sjáv­ar­út­vegs­fé­laga hefur lækkað til muna frá­ því að skuldir félaga í grein­inni náðu hámarki í 619 millj­örðum króna á árinu 2008. Á árinu 2015 námu skuld­ir ­sjáv­ar­út­vegs­fyr­ir­tækja um 333 millj­örðum króna og hefur skulda­staða ­fé­lag­anna ekki verið lægri eftir efna­hags­á­fallið 2008. 

Þetta kemur fram í skýrslu sjáv­ar­út­veg­steymis Íslands­banka.

Frá hápunkt­i 2008 hafa skuldir sjáv­ar­út­vegs­fé­laga lækkað um 286 millj­arða króna eða um 46 pró­sent. „Þegar fjár­mögn­un­ar­hreyf­ingar sjáv­ar­út­vegs­fé­laga eru ­skoð­aðar sést hvernig bætt afkoma félag­anna und­an­farin ár hef­ur ­skapað svig­rúm til nið­ur­greiðslu lang­tíma­skulda. Í fyrsta skipt­i frá árinu 2007 hafa nýjar lán­tökur verið umfram afborg­anir og ­nemur mun­ur­inn um 18 mö.kr. Til sam­an­burðar námu afborg­an­ir um­fram nýjar lán­tökur á árunum 2008-2014 um 148 mö.kr. á verð­lagi árs­ins 2015. Þrátt fyrir að nýjar lán­tökur ættu sér stað á ár­inu 2015 minnk­aði skuld­setn­ing sjáv­ar­út­vegs­fé­laga engu að ­síð­ur. Bendir það til þess að sjáv­ar­út­vegs­fé­lög séu í auknum mæli að greiða niður skamm­tíma­lán sín,“ segir í skýrsl­unn­i. 

Hagn­aður sjáv­ar­út­vegs­fyr­ir­tækja á árinu 2015 nam 45 millj­örðum króna en heild­ar­tekjur voru 275 millj­arð­ar. Hagn­að­ur­inn jókst um 3,7 pró­sent milli ára. 

Að mati sjáv­ar­út­veg­steym­is­ins mun draga úr hagn­aði fyr­ir­tækj­anna á þessu ári, og jafn­vel því næsta, þar sem styrk­ing krón­unnar gagn­vart helstu alþjóð­legu myntum veikir rekstr­ar­stöðu félag­anna. „Einnig teljum við að gengi krón­unnar muni halda áfram að styrkj­ast á næstu miss­er­um. Mun þetta að öðru óbreyttu leiða til þess að hagn­aður sjáv­ar­út­vegs­fé­laga lækki á árinu 2016,“ segir í skýrslu teym­is­ins.