Versl­anir Bón­uss og Hag­kaups hafa tekið Brú­negg úr sölu, og fylgja þannig í kjöl­far Krón­unnar og Mela­búð­ar­inn­ar. Versl­an­irnar til­kynntu um þetta á Face­book í morg­un. 

Ástæðan er Kast­ljós-þáttur sem sýndur var í gær­kvöldi þar sem fjallað var um for­dæma­laus afskipti Mat­væla­stofn­unar af eggja­búum Brú­neggja. Í þætt­inum kom fram að Brú­negg hefði, að mati stofn­un­ar­inn­ar, blekkt neyt­endur árum saman með því að not­ast við merk­ingar sem héldu því fram að eggja­fram­leiðsla fyr­ir­tæk­is­ins væri vist­væn og að varp­hænur þess væru frjáls­ar. Í krafti þess kost­uðu eggin um 40 pró­sent meira en þau egg sem flögg­uðu ekki slíkri vott­un. 

Kast­ljós fékk aðgang að gögnum um afskipti Mat­væla­stofn­unnar af Brú­neggjum og í þeim kom í ljós að stofn­unin hefur í tæpan ára­tug haft upp­lýs­ingar um að Brú­negg upp­fyllti ekki skil­yrði sem sett voru fyrir því að merkja vörur sem vist­væn­ar. Það væri því að blekkja neyt­end­ur. Atvinnu­vega­ráðu­neytið hafði líka þessar upp­lýs­ing­ar, en neyt­endum var ekki greint frá þeim.

Fyrir ári síðan hafi staðið til að taka yfir vörslu á hænum Brú­neggja vegna ítrek­aðra brota á lögum um með­ferð dýra, meðal ann­ars með því að vera með allt of marga fugla í eggja­hús­um. Til að koma í veg fyrir vörslu­svipt­ing­una þurftu Brú­negg að slátra um 14 þús­und fugl­um.

Högn­uð­ust um tugi millj­óna á ári

Brú­negg ehf. hefur hagn­ast um tugi millj­óna á ári und­an­farin ár. Til að mynda var hagn­aður fyr­ir­tæk­is­ins tæp­lega 42 millj­ónir króna í fyrra og tæp­lega 30 millj­ónir árið 2014. Sam­tals hefur hagn­aður fyr­ir­tæks­ins á árunum 2009 til 2016 verið vel yfir tvö hund­ruð millj­ónir króna. Bræð­urnir Krist­inn Gylfi Jóns­son og Björn Jóns­son eiga fyr­ir­tækið í gegnum einka­hluta­fé­lög sín, og þessi félög högn­uð­ust sam­an­lagt um tæp­lega hund­rað millj­ónir króna í fyrra. Stundin greinir frá þessu.