Vig­dís Hauks­dótt­ir, fyrr­ver­andi þing­maður Fram­sókn­ar­flokks­ins og for­maður fjár­laga­nefnd­ar, segir að umfjöllun RÚV um Brú­negg sé gerð „til þess að kné­setja íslenskan land­bún­að.“ Það sé „agenda RÚV og "góða fólks­ins".“ 

Þetta kemur fram á Face­book-­síðu Vig­dís­ar. Þar sakar hún Kast­ljós líka um að falsa mynd­irnar sem birt­ust í þætt­inum í gær­kvöldi og segir þátt­inn þekktan fyrir að falsa myndir með umfjöll­un. „Voru þessar myndir frá búinu? Voru þessar myndir kannski frá öðru hæsna­búi í öðru landi? Kast­ljós er þekkt fyrir að falsa myndir með umfjöllun - væri einnar messu virði að senda fyr­ir­spurn um það“ 

Þá segir Vig­dís að Rík­is­út­varpið stundi fals­anir og „3.600 millj­ónir renna úr vasa okkar lands­manna inn í þessa skoð­ana­mynd­andi stofnun - það var maður sem hafði sam­band við mig í gær og sagði mér að starfs­manna­fjöld­inn á RÚV væri kom­inn yfir 700 manns með verk­tökum - hvenær er nóg nóg?“ segir hún á Face­book. 

Kast­ljós sýndi í gær þátt þar sem fjallað var um for­dæma­laus afskipti Mat­væla­stofn­unar af eggja­búum Brú­neggja. Þar kom fram að Mat­væla­stofnun teldi að fyr­ir­tækið hefði um ára­bil blekkt neyt­endur með því að not­ast við merk­ingar um vist­væna fram­leiðslu og frjálsar varp­hæn­ur. Kast­ljós fékk aðgang að gögnum Mat­væla­stofn­un­ar, um þús­und blað­síður af skýrslum og sam­skipt­um, og komst þannig að því að í tæpan ára­tug hefur verið vit­neskja um að Brú­negg upp­fylli ekki skil­yrði sem sett voru fyrir vist­vænni merk­ing­u. 

Vig­dís gagn­rýnir líka eft­ir­lits­að­ila í færslu sinni og birtir mynd af fjár­lögum árs­ins 2016, þar sem fram kemur að Mat­væla­stofnun hafi fengið 1,6 millj­arð til rekst­urs stofn­un­ar­inn­ar. Hún segir að Sam­keppn­is­eft­ir­litið sé „á eftir MS“ fyrir tæpan hálfan millj­arð á ári. 

Gunnar Bragi Sveins­son, sjáv­ar­út­vegs- og land­bún­að­ar­ráð­herra og flokks­bróðir Vig­dís­ar, segir við RÚV að hann hafi verið orð­laus yfir þætt­in­um. „Þetta er algjör við­bjóður hvernig þarna hefur verið staðið að,“ sagði ráð­herr­ann. Hann segir ráðu­neytið ætla að fara betur yfir þetta mál en mis­tök hafi verið gerð þegar starfs­mað­ur, sem fékk málið á sitt borð, hætti störf­um.