Birgitta Jóns­dótt­ir, þing­flokks­for­maður Pírata, hefur verið boðuð á fund Guðna Th. Jóhann­es­son­ar, for­seta Íslands, á Bessa­stöðum klukkan 16 í dag. Ekki hefur verið gefið upp hver ástæða fund­ar­ins er, en mögu­legt er að for­set­inn hygg­ist fela Pírötum umboð til stjórn­ar­mynd­un­ar. 

Guðni Th. Jóhann­es­son hefur í dag fundað með leið­togum allra flokka sem eiga sæti á Alþingi. Eftir fund hennar og ann­arra í við­ræðu­nefnd Pírata með for­set­anum sagði hún að Pírötum þætti algjör­lega ótíma­bært að ræða um þjóð­stjórn á þessum tíma­punkt­i. 

Hún hefur lýst því yfir að hún vilji reyna aftur við myndun fimm flokka stjórnar Pírata, Við­reisn­ar, Bjartrar fram­tíð­ar, Sam­fylk­ing­ar­innar og Vinstri grænna. Flokk­arn­ir, utan Vinstri grænna, ræddu saman á meðan VG voru að ræða við Sjálf­stæð­is­flokk­inn. Eftir að ljóst varð að ekk­ert yrði úr við­ræðum þeirra buðu flokk­arnir fjórir Katrínu Jak­obs­dótt­ur, for­manni VG, og hennar flokki aftur að óform­legum við­ræð­u­m. 

For­seti Íslands hefur þegar veitt stjórn­ar­mynd­un­ar­um­boðið tvisvar án árang­urs. Bjarni Bene­dikts­son, for­maður Sjálf­stæð­is­flokks­ins, fékk umboðið fyrst­ur, meðal ann­ars á grund­velli þess að flokkur hans er stærst­ur. Þegar honum tókst ekki að mynda stjórn fékk Katrín Jak­obs­dóttir stjórn­ar­mynd­un­ar­um­boð­ið, en VG er annar stærsti flokk­ur­inn á þingi. Píratar eru þriðji stærsti flokk­ur­inn.