Þor­steinn Víglunds­son, þing­maður Við­reisn­ar, segir að honum hafi fund­ist Guðni Th. Jóhann­es­son hafa gert „mi­s­tök“ þegar hann veitti Birgittu Jóns­dóttur og Pírötum stjórn­ar­mynd­un­ar­um­boð á Bessa­stöðum í gær. Þetta sagði Þor­steinn í Viku­lok­unum á Rás 1 í dag.

Áður hafa bæði Bene­dikt Jóhann­es­son, for­maður Við­reisn­ar, og Þor­gerður Katrín Gunn­ars­dótt­ir, þing­maður Við­reisn­ar, lýst skoðun sinni á útspili Guðna í gær og sagt að heldur hefði hann átt að leyfa þing­mönnum og for­ystu­fólki flokk­anna að hvíl­ast og halda áfram óform­legum þreif­ingum um helg­ina.

Þor­steinn sagð­ist halda að það skil­aði litlum árangri að láta ein­hver einn hafa boð­hlaup­skeflið og hlaupa á milli kollega sinna í leit að ein­hverjum sem mundi vilja grípa það, sér­stak­lega þegar það lægi ekki nokkuð ljóst fyrir hvaða stjórn­ar­mynstur væru lík­leg­ust eftir kosn­ing­ar.

For­seti hefur veitt þremur for­ystu­mönnum stjórn­mála­flokka stjórn­ar­mynd­un­ar­um­boð eftir kosn­ing­arnar 29. októ­ber. Bjarni Bene­dikts­son, for­maður Sjálf­stæð­is­flokks­ins, fékk það fyrstur en honum tókst ekki að mynda stjórn. Ekki frekar en Katrín Jak­obs­dótt­ir, for­maður Vinstri grænna, sem fékk umboð frá for­set­anum næst. Eftir að hún kynnti for­seta að hennar verk­efni hefði mis­tek­ist þá ákveð Guðni að veita engum form­legt stjórn­ar­mynd­un­ar­um­boð og gaf þannig leik­inn frjáls­an.

Í því umhverfi hófust við­ræður Sjálf­stæð­is­flokks, Við­reisnar og Bjartrar fram­tíðar á ný áður en for­menn Sjálf­stæð­is­flokks­ins og Vinstri grænna að ræddu saman í fyrsta sinn. Þeim þótti það hins vegar óyf­ir­stíg­an­legt verk­efni að sætta ólík sjón­ar­mið flokka sinna. Á meðan Katrín og Bjarni ræddu saman höfðu flokk­arnir fjórir sem Katrín mistókst að leiða saman undir verk­stjórn Vinstri grænna, að ræða saman á ný.

Píratar hafa nú stjórn­ar­mynd­un­ar­um­boð­ið. For­seti veitti umboð til stjórn­ar­mynd­unar á ný eftir að hafa hitt alla for­menn flokka að máli á föstu­dag.