Sunna Gunn­ars Mart­eins­dótt­ir, fyrr­ver­andi aðstoð­ar­maður Gunn­ars Braga Sveins­sonar sjáv­ar­út­vegs- og land­bún­að­ar­ráð­herra, hefur verið ráðin til starfa hjá Mjólk­ur­sam­söl­unni, MS, sem verk­efna­stjóri í upp­lýs­inga- og fræðslu­mál­um. Sunna segir í sam­tali við Kjarn­ann að um sé að ræða tíma­bundið verk­efn­i. 

Sunna var ráðin aðstoð­ar­maður Gunn­ars Braga í utan­rík­is­ráðu­neytið í sept­em­ber 2013. Hún fylgdi honum svo yfir í sjáv­ar­út­vegs- og land­bún­að­ar­ráðu­neytið í apríl síð­ast­liðn­um. Sunna er með BA gráðu í almanna­tengslum frá háskól­anum í West­min­ster og hefur stundað nám í hag­nýtri menn­ing­ar­miðlun við Háskóla Íslands. Áður en hún varð aðstoð­ar­maður Gunn­ars Braga starf­aði hún í þrjú ár sem skrif­stofu­stjóri þing­flokks Fram­sókn­ar­flokks­ins. 

Það vakti athygli skömmu fyrir kosn­ingar þegar Gunnar Bragi skip­aði Sunnu og Viggó Jóns­son, aðal­full­trúa Fram­sókn­ar­flokks­ins í sveit­ar­stjórn Skaga­fjarð­ar, í stjórn Mat­ís. Stjórn­ar­mönnum var vikið úr stjórn­inni dag­inn fyrir aðal­fund í októ­ber, og nýir til­nefnd­ir, þar á meðal Sunna. 

Sunna gerir ráð fyrir því að vera áfram í stjórn Matís meðan hún starfar hjá Mjólk­ur­sam­söl­unni, og seg­ist aðspurð hafa látið stjórn­ar­for­mann og stjórn­endur hjá Matís vita af verk­efn­inu hjá MS svo það sé allt uppi á borð­u­m. 

Sunna er ekki eini aðstoð­ar­maður ráð­herra sem hefur verið skipuð í stjórn stofn­unar eða fyr­ir­tækis í eigu rík­is­ins. Svan­hildur Hólm Vals­dótt­ir, aðstoð­­ar­­maður Bjarna Bene­dikts­­son­­ar, situr til að mynda í stjórn Íslands­­­pósts, og Matt­h­­ías Ims­land, aðstoð­­ar­­maður Eyglóar Harð­­ar­dóttur og áður Sig­­mundar Davíð Gunn­laugs­­son­­ar, situr í stjórn Isa­via. Þá réði Lilja Alfreðs­dóttir Hrannar Pét­urs­son í stjórn Íslands­stofu skömmu fyrir kosn­ing­ar.