Þor­valdur Bjarni Þor­valds­son og tón­list­ar­konan Sóley Stef­áns­dóttir fengu hæstu styrk­ina úr hljóð­rita­sjóði, sem nú eru veittir í fyrsta sinn. Til­kynnt var um styrk­ina í byrjun des­em­ber en alls voru veittir 84 styrk­ir. Þor­valdur Bjarni fékk eina milljón króna vegna verk­efnis sem kall­ast Völu­spá og Sóley fékk sömu upp­hæð vegna útgáfu þriðju sóló­plötu sinn­ar. Heild­ar­upp­hæð styrkja var 33,5 millj­ónir króna.

Aðrir sem fengu háa styrki voru Bubbi Morthens (750 þús­und krónur vegna tveggja platna), Védís Her­vör Árna­dóttir (750 þús­und krónur vegna White Picket Fence) og Sig­urður Geir­dal Ragn­ars­son 750 þús­und krónur vegna plöt­unnar DIMMA-5). Aðrir hlutu lægri styrki.

Í frétt á vef mennta- og menn­ing­ar­mála­ráðu­neyt­is­ins vegna styrkja­út­hlut­anna segir að kynja­hlut­fall for­svars­manna umsækj­enda og svo þeirra sem hlutu á end­anum styrk hafi verið það sama. 61 pró­sent umsækj­enda voru karl­ar, 31 pró­sent konur og átta pró­sent bland­aðir hóp­ar.

Styrkir eftir tón­list­ar­stílum skipt­ust á eft­ir­far­andi hátt:

• Umsóknir fyrir rokk, þungt og indie rokk voru 24 tals­ins eða um 14% umsókna, af þeim hlutu átta styrk, sam­tals að upp­hæð 3,3 millj. kr.

• Umsóknir fyrir popp, indie popp, dæg­ur­tón­list, raf­tón­list, þjóð­lagatón­list, barnatón­list, hip-hop ofl. voru 78 tals­ins eða tæp­lega helm­ingur umsókna. Af þeim hlutu 45 styrk að fjár­hæð ríf­lega 18 millj. kr.

• Undir nútímatón­list, sam­tímatón­list, kór­atón­list, sönglög ofl. mætti flokka 31 umsókn eða 18% umsókna. Af þeim hlutu 18 styrki, sam­tals að fjár­hæð um 6 millj. kr.

• Jazztón­list af ýmsum toga átti við um 19 umsóknir en af þeim hlutu 12 styrk að fjár­hæð 5,5 millj. kr.

• Þrjár umsóknir bár­ust þar sem við­fangs­efnið var ill­skil­grein­an­legt og hlaut ein þeirra 200.000 kr. styrk.

Stofn­aður í vor

Hljóð­rita­sjóður var settur á stofn af mennta- og menn­ing­ar­mála­ráðu­neyt­inu 1. apríl síð­ast­lið­inn. Til­gangur sjóðs­ins er að stuðla að nýsköpun í íslenskri tón­list og að efla hljóð­rita­gerð. Hann fékk 33,5 millj­ónum króna til að ráð­stafa á þessu ári. Alls bár­ust sjóðnum 167 styrkjaum­sóknir og sótt var um ríf­lega 165 millj­ónir króna.

Þrír aðal­menn og þrír vara­menn voru skip­aðir í stjórn sjóðs­ins til þriggja ára í sum­ar.

Stjórn Hljóð­rita­sjóðs er þannig skip­uð:

• Atli Örv­ars­son, for­mað­ur, skip­aður án til­nefn­ing­ar,
• Eiður Arn­ars­son, vara­for­mað­ur, til­nefndur af Sam­tóni,
• Mar­grét Kristín Sig­urð­ar­dótt­ir, til­nefnd af Sam­tóni.

Vara­menn eru:

• Ragn­hildur Gísla­dótt­ir, skipuð án til­nefn­ing­ar,
• Jóhann Ágúst Jóhanns­son, til­nefndur af Sam­tóni,
• Kjartan Ólafs­son, til­nefndur af Sam­tóni.