Á und­an­förnum árum hefur hlut­fall útborg­aðra launa heim­ilis sem varið til greiðslu fast­eigna­láns farið hækk­andi. Í dag er hlut­fallið að jafn­aði 20-21 pró­sent en var um 18 pró­sent stuttu eftir efna­hags­hrun­ið. Hlut­fallið er í takt við árin 2000 til 2004. Þetta kemur fram í nýju Efna­hags­yf­ir­liti VR sem kom út í dag. „Það er þó áhyggju­efni að vís­bend­ingar eru um að hlut­fall útborg­aðra launa sem varið er í greiðslu fast­eigna­láns fer hækk­andi. Þetta snertir helst þau heim­ili sem eru að kaupa sér sína fyrstu fast­eign eða stækka við sig,“ segir í yfir­lit­inu.

Eignir eldra fólks hafa auk­ist mikið umfram eigna­stöðu þeirra yngri, sé horft sér­stak­lega til áranna 2007 til 2015. Séu skuld­irnar teknar með í reikn­ing­inn kemur fram svipuð mynd, segir í yfir­lit­inu. „Til að mynda hafa eignir 67 ára og eldri auk­ist um tæp 58 pró­sent umfram eignir 30-34 ára á tíma­bil­inu 2007 til 2015. Ekki er rétt að horfa aðeins á eign­ir. Sé litið til skuld­setn­ingar fæst nokkuð svipuð mynd. Með­al­upp­hæð skulda hefur hækkað meira meðal eldri ald­urs­hópanna en þeirra yngri. Skuldir 67 ára og eldri hafa einnig hækkað umtals­vert meira en yngri ald­urs­hópanna. Þetta er mögu­leg birt­ing­ar­mynd þess hve erfitt það hefur verið fyrir yngri ald­urs­hópana að eign­ast fyrstu fast­eign árin eftir hrun,“ segir í yfir­lit­inu.

Í takt við Norð­ur­löndin

Neyslu­mynstur, það er hversu stóru hlut­falli útgjalda heim­ils er varið í til­tekna vöru eða þjón­ustu, er svipað því sem þekk­ist á hinum Norð­ur­lönd­un­um. Hlut­fall útgjalda vegna hús­næð­is, hita og raf­magns er lægra en í Dan­mörku en hærra en í Sví­þjóð, Nor­egi og Finn­landi.

Krónan styrk­ist en núna er þetta öðru­vísi

Und­an­farin tvö ár hefur gengi krón­unnar hefur verið í miklum styrk­ing­ar­ham. Ástæðan er mikil fjölgun ferða­manna. „Í umræð­unni hefur meðal ann­ars verið talað um annað hrun sökum styrk­ing­ar­inn­ar. Það er þó ekki hægt að bera þessa geng­is­styrk­ingu núna saman við geng­is­styrk­ing­una árin fyrir hrun,“ segir í yfir­lit­in­u. 

Stærsti áhrifa­valdur styrk­ing­ar­inn á síð­asta ári var mikil gjald­eyr­is­inn­flæði frá ferða­mönn­um, en algjört metár var í ferða­þjón­ust­unni. Um 1,8 millj­ónir ferða­manna komu til lands­ins í sam­an­burði við 1,2 millj­ónir árið 2015. Á þessu ári stefnir í enn meiri vöxt, sam­kvæmt flestum spám. Sé miðað við með­al­talið þá styrkt­ist gengi krón­unnar um 18,4 pró­sent gagn­vart helstu við­skipta­myntum á síð­asta ári, en í byrjun þessa árs hefur það veikst lítið eitt.