Verk­fall sjó­manna hefur alvar­leg og víð­tæk áhrif í sveit­ar­fé­lögum sem eiga mikið undir sjáv­ar­út­vegi. Útsvars­tekjur drag­ast stór­lega sam­an, sem og tekjur hafn­ar­sjóð­anna. 



Þetta kemur fram í Morg­un­blað­inu í dag, en Elliði Vign­is­son, bæj­ar­stjóri í Vest­manna­eyj­um, segir að allt sam­fé­lagið líði fyrir vinnslu­stopp þegar eng­inn afli kemur í land.



Verk­fall sjó­manna hefur staðið yfir frá 14. des­em­ber og er lausn í kjara­deilum þetta við útgerðir ekki í sjón­máli. Útgerð­irnir hafa ekki viljað verða við kröfum sjó­manna.

Elliði segir í sam­tali við Morg­un­blaðið að þótt sveit­ar­fé­lagið verði af tekjum þoli það tekju­missi lengur en fjöl­skyld­urnar sem reki sig frá launa­seðli til launa­seð­ils. „Það á bæði við um fjöl­skyldur sjó­manna og aðra. Við höfum fundið það mjög sterkt, sér­stak­lega á sein­ustu rúmri viku, að fisk­verka­fólk er að lenda í alvar­legum vanda­mál­um. Það leitar eðli­lega eftir aðstoð sveit­ar­fé­lags­ins og við reynum eftir fremsta megni að hjálp­a,“ segir Elliði.

Vitað er sölu­fyr­ir­tæki og mörg minni sjáv­ar­út­vegs­fyr­ir­tæki eru komin í nokkur vand­ræði, enda kemst engin vara á markað á meðan ekki er fisk­að.