Allur þing­flokkur Pírata hefur lagt fram frum­varp til lagafrum­varp til laga um breyt­ingu á lögum um fyr­ir­tækja­skrá. Verði frum­varpið sam­þykkt myndi það fela i sér að engin gjald­taka yrði tekið fyrir raf­ræna upp­flett­ingu í fyr­ir­tækja­skrá og að all­ar ­upp­lýs­ingar myndu birt­ast við slíka upp­flett­ing­u. 

Í grein­ar­gerð frum­varps­ins segir að til­gangur frum­varps­ins sé að ger­a ­upp­lýs­ingar fyr­ir­tækja­skrár aðgengi­legri fyrir almenn­ing. „Lagt er til að ekki skuli taka gjald fyrir raf­ræna upp­flett­ingu í fyr­ir­tækja­skrá og að sömu upp­lýs­ingar skuli vera aðgengi­legar þar og ef greitt væri fyrir ein­tak af gögnum úr skránni. Til dæmis er nú aðeins hægt að fá upp­lýs­ingar um stjórn og árs­reikn­inga félaga með því að greiða fyrir þær og telja verður að þær séu því ekki aðgengi­legar almenn­ing­i.“

Eins og málum er háttað í dag þarf að greiða fyr­ir­tækja­skrá rík­is­skatt­stjóra fyrir aðgang að árs­reikn­ingum fyr­ir­tækja, upp­lýs­ingar um hlut­hafa og önnur skjöl sem skylt er að skila inn til hennar um breyt­ingar hjá fyr­ir­tækj­um. Ýmis einka­fyr­ir­tæki selja einnig aðgang að slíkum upp­lýs­ingum frá fyr­ir­tækja­skrá, t.d. Credit­info og Keld­an.

Smári McCarthy, þing­maður Pírata og einn flutn­ings­manna frum­varps­ins, vakti athygli á þessu máli í þing­inu 25. jan­úar síð­ast­lið­inn. Þar spurði hann Bene­dikt Jóhann­es­son, fjár­mála- og efna­hags­ráð­herra, hvort honum þætti rétt að opna fyr­ir­tækja­­skrá, árs­­reikn­inga­­skrár og hlut­hafa­­skrár upp á gátt. Bene­dikt svar­aði því til að hann væri þeirrar skoð­unar að árs­reikn­ing­ar, hlut­hafa­skrár og fyr­ir­tækja­skrár ættu að vera öllum opn­ar. „Ég tel að allar þessar skrár eigi að vera að vera opnar og vil bæta því við að ég tel að það eigi að vera gagn­­sætt eign­­ar­hald, þannig að það sé ekki bara sagt að það séu ein­hver félög sem eigi önnur félög. Það á að koma fram hver hinn end­an­­legi eig­andi er,“ sagði Bene­dikt.