Segir Framsóknarflokkinn hafa verið yfirtekinn í fjandsamlegri yfirtöku

Sigmundur Davíð Gunnlaugsson segir að sín pólitíska sýn sé ólík þeirri sem hópur í forystu Framsóknar hafi. Hann ætlar þó ekki að stofna nýjan stjórnmálaflokk.

Sigmundur Davíð Gunnlaugsson á flokksþingi Framsóknarflokksins í október 2016. Þar tapaði hann í formannskosningum fyrir Sigurði Inga Jóhannssyni.
Sigmundur Davíð Gunnlaugsson á flokksþingi Framsóknarflokksins í október 2016. Þar tapaði hann í formannskosningum fyrir Sigurði Inga Jóhannssyni.
Auglýsing

Sig­mundur Davíð Gunn­laugs­son, fyrr­ver­andi for­sæt­is­ráð­herra og þing­maður Fram­sókn­ar­flokks­ins, segir að Fram­sókn­ar­flokk­ur­inn hafi verið yfir­tek­inn í fjand­sam­legri yfir­töku á flokks­þingi í októ­ber, að sá hópur sem hafi fram­kvæmt þá yfir­töku sé með mjög ólíka póli­tíska sýn frá hans eigin og telur hóp­inn ekki endi­lega njóta meiri­hluta­stuðn­ings innan flokks­ins. 

Sig­mundur Davíð seg­ist þó vera Fram­sókn­ar­maður og ætlar ekki að stofna nýjan stjórn­mála­flokk. Þetta kom fram í við­tali Björns Inga Hrafns­sonar við Sig­mund Davíð í þætt­inum Eyj­unni á ÍNN í gær­kvöldi.

Fram­sókn var með for­múlu 2009-2016

Þar fór Sig­mundur Davíð um víðan völl og ræddi meðal ann­ars þær grund­vall­ar­breyt­ingar sem hann telur að séu að eiga sér stað í stjórn­málum út um allan heim. Hann sé þeirrar skoð­unar að stjórn­málaum­hverfið verði aldrei aftur eins og það var í marga ára­tugi, m.a. hér­lendis þegar fjórir flokkar mynd­uðu grunn að kerf­inu og einn óánægju­flokkur sem væri breyti­legur eftir tíð­ar­anda væri með.

Auglýsing

Sig­mundur Davíð vís­aði í kjör Don­ald Trump sem for­seta Banda­ríkj­anna sem dæmi um þessar breyt­ingar og sagði að Banda­ríkja­menn hefðu ekki kosið Trump vegna þess hvernig hann sé heldur þrátt fyrir það. Fólk hafi viljað kasta sprengju inn í kerf­ið. Upp­reisnin gagn­vart kerf­inu hafi því miður tekið á sig öfga til hægri og vinstri. Hér­lendis hafi Fram­sókn­ar­flokk­ur­inn verið með for­múlu við þess­ari eft­ir­spurn gegn kerf­is­ræð­inu á árunum 2009-2016, á meðan að Sig­mundur Davíð sjálfur hafi verið for­maður flokks­ins. Sú for­múla hafi verið „rót­tæk rök­hyggja“.

Í henni felst að sögn for­sæt­is­ráð­herr­ans fyrr­ver­andi að berj­ast gegn kerf­inu, taka slag­inn fyrir heil­brigða skyn­semi og þora að ræða mál „sem rétt­trún­að­ur­inn bann­ar“ umræðu um. Í kjöl­farið gagn­rýndi Sig­mundur Davíð emb­ætt­is­menn í íslenska stjórn­kerf­inu, að und­an­skildum starfs­mönnum for­sæt­is­ráðu­neyt­is­ins, fyrir að láta sig það engu skipta hverjir væru að stjórna hverju sinni. Þeir ein­fald­lega gerðu hlut­ina eftir eigin höfði.

Verða ekki vara­hjól rík­is­stjórn­ar­innar

Sig­mundur Davíð ræddi einnig stöð­una í stjórn­málum í dag. Hann sagð­ist ekki sjá fyrir sér, líkt og margir hafa ýjað að, að Fram­sókn­ar­flokk­ur­inn muni hlaupa til og ganga inn í þá rík­is­stjórn sem mynduð var í síð­asta mán­uði ef með þarf til að halda henni á lífi. „Það var aldrei rætt við flokk­inn í form­legum stjórn­ar­mynd­un­ar­við­ræðum þannig að ég á ekki von á því að flokk­ur­inn fari í þá nið­ur­læg­ingu að láta kippa sér inn sem vara­hjól­i.“

Það væri ekki hægt að tala um að sitj­andi rík­is­stjórn væri með eins manns meiri­hluta í ljósi þess hversu ólíkir flokkar væru í stjórn­ar­and­stöðu. Rík­is­stjórnin gæti ætlað sér að spila á stjórn­ar­and­stöð­una í ýmsum mál­um.

Ekki að hætta í stjórn­málum

Sig­mundur Davíð tap­aði í for­manns­kosn­ingum fyrir Sig­urði Inga Jóhanns­syni í byrjun októ­ber 2016. Síðan þá hefur ríkt mikil kergja í sam­skiptum hans við flokks­for­yst­una og Sig­urður Ingi hefur sagt það opin­ber­lega að það sé „við­var­andi verk­efni“ að bæta sam­skiptin við Sig­mund Dav­íð.

Fram­sókn beið afhroð í Alþing­is­kosn­ing­unum í lok októ­ber 2016 og fékk ein­ungis 11,5 pró­sent atkvæða. Það er versta nið­ur­staða í kosn­ingum í 100 ára sögu flokks­ins. Sjálfur sagði Sig­mundur Davíð eftir kosn­ing­arnar í lok októ­ber að átök á flokks­þingi flokks­ins hefðu verið ástæða þess að flokknum gekk svo illa. Ef hann hefði sjálfur leitt flokk­inn í gegnum þær hefði hann fengið á bil­inu 18 til 19 pró­sent fylgi.

Sig­mundur Davíð ræddi þessa stöðu ítar­lega í við­tal­inu við Björn Inga. Hann sagði þann hóp, eða hópa, sem hafi sam­ein­ast um að yfir­taka Fram­sókn­ar­flokk­inn í fjand­sam­legri yfir­töku á síð­asta flokks­þingi, vera með mjög ólíka sýn á stjórn­mál en þá sem hann sjálfur hef­ur. Það vanti upp á hjá þessum hópi að þora og svara kalli tím­ans.

Björn Ingi spurði Sig­mund Davíð hvort hann hefði velt því fyrir sér að stofna nýjan stjórn­mála­flokk. Því svar­aði Sig­mundur Davíð með að segja að hann væri í Fram­sókn­ar­flokknum vegna þess að hann telji að flokk­ur­inn eigi erindi. Fram­sókn geti á sama tíma verið elsti flokk­ur­inn með lengstu sög­una en líka sá sem eigi mestu fram­tíð­ina. „En það er ekk­ert laun­ung­ar­mál að það eru ekk­ert allir sama sinnis hvernig eigi að haga þeim hlut­um. Þannig virkar lýð­ræðið og ég sem félagi í flokknum mun auð­vitað bara beita mér fyrir því að flokk­ur­inn sé eins og nauð­syn­legt er að hann sé til þess að geta gert gagn fyrir sam­fé­lag­ið. Hann verður umfram allt að passa sig á að verða ekki kerf­is­flokkur sem starfar eftir gömlu leik­reglum stjórn­mál­anna sem eru nú mjög á und­an­haldi og ganga ann­ars vegar út á ímynd­arpóli­tík út á við og inn á við enda­lausa bar­áttu sem lík­ist meira mafíu-d­ínamík þar sem menn brosa hver framan í annan þangað til að þeir hafa tæki­færi til að stinga hann í bak­ið. Það er engin fram­tíð í slíku stjórn­mála­afli. Slíkir stjórn­mála­flokkar sem ganga út á þetta tvennt [...] þeir eft­ir­láta emb­ætt­is­manna­kerf­inu það að stjórna. Svo er stjórn­mála­mað­ur­inn bara í hlut­verki leik­ara sem tekur þátt í sýn­ingu út á við.“

Sig­mundur Davíð sagði að lokum að það væri langt frá því að hann væri að hætta í stjórn­mál­um.

Vilt þú vera með?

Frjálsir, hugrakkir fjölmiðlar eru ómetanlegir en ekki ókeypis. Kjarninn reiðir sig á framlög lesenda og með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og við ætlum að standa vaktina áfram og bjóða almenningi upp á vandaða umfjöllun þar sem áhersla er á gæði og dýpt.  

Fyrir þá lesendur sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Rannsóknarskýrsla Alþingi kom út árið 2010. Alls fann framkvæmdavaldið 249 ábendingar sem lúta að stjórnsýslunni við yfirferð sína á skýrslunni og segir að brugðist hafi verið við flestum.
Hvaða skýrsla um skýrslur er þetta eiginlega?
Síðdegis á föstudag birtist skýrsla sem Alþingi óskaði eftir í janúar árið 2018, um það hvernig framkvæmdavaldið hefði brugðist við ábendingum sem finna mætti í þremur rannsóknarskýrslum Alþingis, þar á meðal þeirri stóru um fall bankanna.
Kjarninn 30. nóvember 2020
Andrés Ingi Jónsson, þingmaður utan flokka, er fyrsti flutningsmaður frumvarpsins.
Ekki að leggja til 30 kílómetra hraða alls staðar
Andrés Ingi Jónsson þingmaður utan flokka leggur til að hámarkshraði í þéttbýli verði alla jafna 30 kílómetrar á klukkustund, nema gild rök séu fyrir hærri hraða. Með frumvarpi um þetta vill þingmaðurinn fara að fordæmi Hollendinga og Spánverja.
Kjarninn 29. nóvember 2020
Lady Brewery hreyfingin býður fólki í leyniklúbb
Farandsbrugghúsið Lady Brewery ætlar að koma upp tilraunaeldhúsi þar sem íslensk náttúra í bjórgerð verður rannsökuð. Safnað er fyrir verkefninu á Karolina fund.
Kjarninn 29. nóvember 2020
Helga Vala Helgadóttir leiddi lista Samfylkingarinnar í Reykjavík norður fyrir síðustu kosningar.
Samfylkingin fer „sænsku leiðina“ í Reykjavík og heldur ekki prófkjör
Það verður ekkert prófkjör hjá Samfylkingunni í Reykjavík fyrir næstu alþingiskosningar. Uppstillingarnefnd hefur verið falið að stilla upp listum og leita eftir tilnefningum frá flokksfélögum.
Kjarninn 29. nóvember 2020
Dæmi um fyrirsagnir frétta dagblaðanna á árunum 1985 og 1986.
Neituðu að kryfja lík alnæmissjúklinga
Í bók Gunnhildar Örnu Gunnarsdóttur, Berskjaldaður, er að finna frásögn hjúkrunarfræðings af hræðslunni og fordómunum innan sem utan Borgarspítalans á níunda og tíunda áratugnum, þegar HIV-faraldurinn braust út.
Kjarninn 29. nóvember 2020
Dagur B. Eggertsson borgarstjóri Reykjavíkur.
Eftirlitsaðilar fái heimildir til að skoða leiguhúsnæði
„Það sem maður situr svolítið eftir með í kjölfar brunans á Bræðraborgarstíg er að þar sem um íbúðarhúsnæði var að ræða er ábyrgðin [á eldvörnum] samkvæmt lögum og reglugerðum fyrst og fremst eigandans,“ segir Dagur B. Eggertsson borgarstjóri.
Kjarninn 29. nóvember 2020
Schengen-samstarfið hefur átt undir högg að sækja vegna veirufaraldursins. Víða hefur innri landamærum svæðisins verið lokað. Þessi mynd er frá pólska landamærabænum Cieszyn í sumar, þar sem landamæralokun Tékka var mótmælt.
Sótt að Schengen
Árið 2020 hefur tekið á Schengen-samstarfið. Landamæralokanir vegna faraldursins, flóttamannamál og hryðjuverkaárásir hafa vakið upp spurningar um hvaða stefna skuli mörkuð og líklegt er að samstarfið taki einhverjum breytingum.
Kjarninn 29. nóvember 2020
Mette Frederiksen forsætisráðherra komst við er hún ræddi við fjölmiðla eftir að hafa heimsótt minkabú í síðustu viku og rætt við bændur sem höfðu misst frá sér ævistarfið.
Minkaklúðrið
Danska ríkisstjórnin hefur sætt mikilli gagnrýni vegna minkamálsins svonefnda, þar sem margt hefur farið úrskeiðis. Nú síðast þegar ekki var fylgt tilmælum varðandi urðun hræjanna. Algjört klúður í eitt og allt segja danskir fjölmiðlar.
Kjarninn 29. nóvember 2020
Meira úr sama flokkiInnlent
None