Þrettán af nítján starfs­mönnum hjá kæru­nefnd útlend­inga­mála munu láta af störfum í lok mars vegna lægri fram­laga til nefnd­ar­innar af fjár­lög­um. Við þetta mun starf­semi nefnd­ar­innar drag­ast veru­lega sam­an. Þetta kemur fram í yfir­lýs­ingu frá Hirti Braga Sverris­syni, for­manni kæru­nefndar útlend­inga­mála. 

Kæru­nefndin seg­ist ítrekað hafa vakið athylgi á afleið­ingum skertra fjár­heim­ilda á starf­sem­ina og máls­með­ferð­ar­tíma, en segir að vilji til að veita nefnd­inni aukið fjár­magn hafi ekki leitt til vil­yrðis um auknar fjár­heim­ild­ir. 

Kæru­nefnd útlend­inga­mála var sett á lagg­irnar fyrir tveimur árum síð­an, en hún var stækkuð og henni veittar auknar fjár­heim­ildir í fyrra sam­hliða mik­illi aukn­ingu í umsóknum um alþjóð­lega vernd hér á landi. Kæru­nefndin er stjórn­sýslu­nefnd sem úrskurðar í mál­efnum útlend­inga. „Þrátt fyrir að ekki sé fyr­ir­sjá­an­legt að kærum til nefnd­ar­innar fækki fékk nefndin í fjár­lögum árs­ins 2017 aðeins um helm­ing þeirra fjár­heim­ilda sem hún taldi þörf á til að halda afgreiðslu­tíma mála áfram innan mark­miða stjórn­valda um 90 daga með­al­máls­með­ferð­ar­tíma,“ segir í yfir­lýs­ing­unn­i. 

Síð­ustu þrjá mán­uði hafi með­al­af­greiðslu­tími nefnd­ar­innar á málum vegna umsókna um alþjóð­lega vernd verið 76 dag­ar, en var um 300 dagar þegar nefndin hóf störf. „Við blasir að bið eftir nið­ur­stöðu í þessum málum mun byrja að lengj­ast strax og starfs­mönnum fækkar og verður í lok þessa árs, miðað við óbreyttar fjár­heim­ild­ir, sam­bæri­leg við það sem þekkt­ist áður en kæru­nefndin hóf störf.“ 

Kæru­nefndin metur fjár­þörf nefnd­ar­innar umfram fjár­lög árs­ins 2017 um 140 millj­ónir króna en segir jafn­framt að ætla megi að kostn­aður vegna lengri dvalar umsækj­enda um alþjóð­lega vernd hér á landi á meðan þeir bíða nið­ur­stöðu verði marg­föld sú upp­hæð á árinu. „Hefur þá verið tekið til­lit til þeirra sem koma frá öruggum upp­runa­ríkjum og yfir­gefa landið fljót­lega eftir synjun hjá Útlend­inga­stofn­un. Vegna ákvæða í nýjum útlend­inga­lögum um áhrif langs máls­með­ferð­ar­tíma á nið­ur­stöðu mála mun þessi bið í auknum mæli leiða til þess að umsækj­endur um alþjóð­lega vernd öðlist rétt til dvalar hér á land­i.“