Auðun Georg Ólafs­son hefur verið ráð­inn í stjórn­un­ar­starf hjá Árvakri, útgáfu­fé­lagi Morg­un­blaðs­ins. Sam­kvæmt heim­ildum Kjarn­ans hefur hann verið kynntur fyrir hluta starfs­fólks félags­ins og er talið að hann muni gegna ein­hvers konar nýrri frétta­stjóra­stöðu útvarps­sviðs Árvak­urs. Auðun Georg hefur und­an­farið starfað sem rit­stjóri Kópa­vogs­blaðs­ins. 

Til­kynnt var um það í októ­ber 2016 að Árvakur hefði keypt allan útvarps­­­rekstur Sím­ans, það er útvarps­­­stöðv­­­arnar K100 og Retro. 

Auðun Georg var ráð­inn í starf frétta­stjóra Útvarps árið 2005. Ráðn­ingin var afar umdeild, þar sem fimm aðrir umsækj­endur um stöð­una voru metnir hæf­ari til að gegna henni að teknu til­liti til starfs- og stjórn­un­ar­reynslu og mennt­un­ar. Frétta­­menn á Rík­­is­út­­varp­inu börð­ust sam­ein­aðir sem einn ­gegn ráðn­­ing­unni og nutu til þess stuðn­­ings Blaða­­manna­­fé­lags Íslands.

Auðun Georg átti að hefja störf 1. apríl 2005. Þann sama dag fór hann í við­tal við frétta­mann Útvarps og varð þar tví­saga um hvort hann hefði átt fund með Gunn­laugi Sæv­ari Gunn­laugs­syni, þáver­andi for­manni útvarps­ráðs, dag­inn áður.

Sama dag, 1. apríl 2005, sendi Auðun Georg frá sér yfir­lýs­ingu þar sem hann sagði, með til­liti til aðstæðna á frétta­stofu Rík­is­út­varps­ins, þá sæi hann sér ekki fært að þiggja starf frétta­stjóra og myndi ég því ekki skrifa undir ráðn­ing­ar­samn­ing.

Í yfir­lýs­ing­unni sagði m.a.: „Ég sótti um starfið á jafn­ræð­is­grund­velli án þess að vera til þess hvattur og ekki í umboði eins eða neins, hvorki stjórn­mála­afla né ann­arra. Þrátt fyrir að vegið hafi verið að per­sónu minni með afar ósann­gjörnum hætti, mann­orð mitt svert með röngum ásök­un­um, hreinum lygum haldið á lofti og mér allt að því hót­að, ákvað ég engu að síður að mæta til starfa með opnum huga og gefa frétta­mönnum á frétta­stofu Rík­is­út­varps­ins tæki­færi til að sýna að sann­girni, hlut­leysi, rétt­læti og fag­leg vinnu­brögð væru höfð að leið­ar­ljósi. Í við­tali sem ég veitti frétta­manni Rík­is­út­varps­ins í dag í til­efni af því að ég hæfi störf var með lævís­legum hætti reynt að koma mér í vand­ræði. Það tók­st, þar sem ég vildi ekki rjúfa trún­að. En frétta­mað­ur­inn var ekki hlut­laus, hann var máls­að­ili, og honum tókst ekki að gera grein­ar­mun þar á. Ég hlakk­aði til að takast á við skemmti­legt og ögrandi starf á frétta­stofu sem naut trausts og þekkt var fyrir mál­efna­leg og fag­leg vinnu­brögð. Það er með miklum trega sem ég lýsi yfir að vænt­ingar mínar voru á mis­skiln­ingi byggð­ar.“

Gunn­laugur Sævar er í dag stjórn­ar­for­maður Ísfé­lags Vest­manna­eyja, en eig­endur þess eru stærstu hlut­hafar Árvak­urs. Sig­ur­björn Magn­ús­son, stjórn­ar­for­maður Árvak­urs, situr líka í stjórn Ísfé­lags­ins.