Jafn margar konur og karlar sitja nú í stjórn Sam­taka iðn­að­ar­ins, í fyrsta skipti í sögu sam­tak­anna. Frá þessu er greint í frétta­til­kynn­ingu frá sam­tök­un­um. 

Eyjólfur Árni Rafns­son, sem er nýr for­maður Sam­taka atvinnu­lífs­ins, var vara­for­maður Sam­taka iðn­að­ar­ins en hefur nú sagt sig úr stjórn­inni. Berg­þóra Þor­kels­dóttir hjá ÍSAM kemur inn í hans stað og þar með eru fimm konur og fimm karlar í stjórn­inn­i. 

Það eru þau Ragnar Guð­munds­son – Norð­ur­ál, Guð­rún Jóns­dóttir – Héð­inn, Katrín Pét­urs­dóttir – Lýsi, Árni Sig­ur­jóns­son – Mar­el, Agnes Ósk Guð­jóns­dóttir – GK snyrti­stofa, for­maður SI Guð­rún Haf­steins­dóttir – Kjör­ís, Berg­þóra Þor­kels­dóttir – ÍSAM, Sig­urður R. Ragn­ars­son – ÍAV, Egill Jóns­son – Össur og Lárus Andri Jóns­son – Raf­þjón­ust­an.

„Ég er stolt af því að félags­menn SI hafi á und­an­förnum árum hægt og bít­andi aukið hlut kvenna í stjórn­inni án utan­að­kom­andi þrýst­ings. Því er ekki að neita að SI eru karllæg sam­tök þar sem mik­ill meiri­hluti félags­manna eru karl­kyns. Í ljósi þess er sér­stak­lega ánægju­legt að upp­lifa að hér störfum við öll sem eitt óháð kyni íslenskum iðn­aði til fram­drátt­ar. Jafn­rétt­is­mál eru okkur mik­il­væg og við gætum að því í öllum okkar störf­um. Félags­menn SI eru mjög með­vit­aðir um að við verðum að nýta hæf­asta fólkið og allan þann mann­afla sem við náum í. Því höfum við að und­an­förnu verið að hvetja stúlkur til að horfa til iðn­náms og gera iðn að ævi­starfi sínu. Í íslenskum iðn­fyr­ir­tækjum er urm­ull spenn­andi starfa sem henta báðum kynj­u­m,“ er haft eftir Guð­rúnu Haf­steins­dótt­ur, for­manni Sam­taka iðn­að­ar­ins, í til­kynn­ing­unn­i.