Komu sér ekki saman um refsiaðgerðir

Utanríkisráðherrar G7 ríkjanna samþykktu ekki tillögu Breta um að beita Rússa frekari refsiaðgerðum vegna efnavopnaárásarinnar í Sýrlandi. Rex Tillerson, utanríkisráðherra Bandaríkjanna, er nú kominn til Rússlands til fundar við Sergei Lavrov.

Fulltrúar ESB, Þýskalands, Bandaríkjanna, Kanada, Ítalíu, Frakklands, Bretlands og Japans.
Fulltrúar ESB, Þýskalands, Bandaríkjanna, Kanada, Ítalíu, Frakklands, Bretlands og Japans.
Auglýsing

G7 ríkin komu sér ekki saman um auknar refsiaðgerðir gagnvart Rússlandi á fundi sínum í gær og í dag. Boris Johnson, utanríkisráðherra Bretlands, hafði lagt fram tillögu þess efnis að refsiaðgerðir yrðu hertar vegna efnavopnaárásinnar í Idlib-héraði í Sýrlandi í síðustu viku. Sýrlensk stjórnvöld, sem Rússar hafa aðstoðað í stríðinu í Sýrlandi, eru sögð bera ábyrgð á árásinni. 

Angelino Alfano, utanríkisráðherra Ítalíu, sagði eftir fundinn að G7 hópurinn vildi ekki stilla Rússum upp við vegg, heldur kysi frekar samræður við þá, samkvæmt BBC. Fundurinn var haldinn í borginni Lucca á Ítalíu. Ríkin telji að Rússar hafi þau áhrif sem þarf til að þrýsta á Bashar al-Assad og fá hann til þess að virða vopnahlé. 

Rex Tillerson, utanríkisráðherra Bandaríkjanna, fór beint af fundinum til Moskvu, þar sem hann mun funda með stjórnvöldum. Fundur G7 ríkjanna var ætlaður til þess að stilla saman strengi ríkjanna gagnvart Sýrlandi fyrir þann fund. 

Auglýsing

Þrátt fyrir að ekki hafi náðst samkomulag um refsiaðgerðir sagði Boris Johnson að hann liti ekki á það sem ósigur. Það væri samkomulag um refsiaðgerðir ef frekari sannanir fyrir ábyrgðinni á efnavopnaárásinni fengjust. 

Þá voru utanríkisráðherrarnir sammála um framtíð Assad Sýrlandsforseta. „Það er okkur öllum ljóst að valdatíð Assad-fjölskyldunnar er að líða undir lok,“ sagði Tillerson. Hann hlaut einnig stuðning á fundinum við eldflaugaárás Bandaríkjamanna, sem þeir gerðu á herflugvöll til að bregðast við efnavopnaárásinni sem varð 89 að bana. 

Tillerson sagði eldflaugaárásina hafa verið nauðsynlega sem varnarmál í Bandaríkjunum. Það mætti ekki til þess hugsa að efnavopn sýrlenskra stjórnvalda lentu í fórum Íslamska ríkisins eða annarra hryðjuverkahópa sem gætu og vildu ráðast á Bandaríkin eða bandamenn þeirra. Hann er nú kominn til Moskvu, og mun funda með Sergei Lavrov, utanríkisráðherra Rússlands, á morgun. 

Vladimír Pútín Rússlandsforseti ræddi við blaðamenn í dag og líkti ásökununum um efnavopnaárásina við það þegar sagt var að Saddam Hussein, þáverandi einræðisherra Íraks, byggi yfir miklu magni efnavopna. Það reyndist síðar ekki vera rétt. „Þetta minnir mig á atburðina 2003 þegar erindrekar Bandaríkjanna hjá Öryggisráðinu sýndu það sem þeir sögðu að væru efnavopn sem fundust í Írak. Við höfum séð þetta allt áður,“ sagði Pútín við blaðamenn í dag. 

Pútín sagði líka að Rússar hefðu upplýsingar um það að Bandaríkjamenn áformuðu fleiri eldflaugaárásar á Sýrland, og að áform væru uppi um að setja á svið fleiri efnavopnaárásir. Það ætti að koma fyrir efnavopnum og kenna sýrlenskum stjórnvöldum um. Hann færði engar sönnur á þetta. 

Pútín sagði jafnframt að Rússar myndu óska eftir því að Sameinuðu þjóðirnar rannsökuðu efnavopnaárásina í Idlib. 

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Árvakur hf. gefur út Morgunblaðið, mbl.is og útvarpsstöðina K100.
Útgáfufélag Morgunblaðsins tapaði 75 milljónum þrátt fyrir 100 milljóna ríkisstyrk
Tap Árvakurs, útgáfufélags Morgunblaðsins, minnkaði um 135 milljónir á milli ára. Framkvæmdastjóri fyrirtækisins þakkar veigamiklum hagræðingaraðgerðum fyrir það að reksturinn hafi batnað þrátt fyrir veirufaraldurinn.
Kjarninn 26. júlí 2021
Joe Biden Bandaríkjaforseti.
Bandaríkin ætla að halda ferðabanni gagnvart Evrópu til streitu enn um sinn
Íslendingar og aðrir Evrópubúar munu ekki geta sótt Bandaríkin heim alveg á næstunni án þess að hafa sérstakar undanþágur. Í ljósi útbreiðslu delta-afbrigðis kórónuveirunnar hefur Bandaríkjastjórn ákveðið að halda núverandi ferðatakmörkunum í gildi.
Kjarninn 26. júlí 2021
Eyþór Eðvarðsson
Fjórar spurningar um loftslagsmál sem kjósendur þurfa að fá svar við
Kjarninn 26. júlí 2021
Þrettán starfsmenn Landspítalans í einangrun
Um helgina komu upp smit hjá starfsmönnum í nokkrum starfseiningum Landspítala. Rakning er langt komin og þrettán starfsmenn eru komnir í einangrun og nokkur fjöldi starfsmanna og sjúklinga í sóttkví.
Kjarninn 26. júlí 2021
Benedikt Jóhannesson, einn stofnenda Viðreisnar, mun starfa áfram með flokknum.
Sættir hafa náðst hjá Viðreisn og Benedikt starfar áfram innan flokksins
Benedikt Jóhannesson fyrrverandi formaður Viðreisnar greinir frá því í dag að samkomulag hafi náðst um að hann starfi áfram með flokknum.
Kjarninn 26. júlí 2021
Meirihluti þjóðarinnar er bólusettur og meirihluti þeirra sem eru að greinast með veiruna er bólusettur.
116 óbólusettir greinst á einni viku
Um 64 prósent þeirra sem eru með COVID-19 á landinu eru á aldrinum 18-39 ára. Flestir sem greinst hafa síðustu daga eru bólusettir en 116 óbólusettir einstaklingar hafa greinst með veiruna á einni viku.
Kjarninn 26. júlí 2021
Þórður Snær Júlíusson
Endalok tálmyndar um endurkomu hins eðlilega lífs
Kjarninn 26. júlí 2021
Himinn og haf skilja fátækari ríki heims og þau ríkari að þegar kemur að bólusetningum.
Þórólfur: Hægt að hafa margar skoðanir á siðferði bólusetninga
Að baki þeirri ákvörðun að gefa fólki bólusettu með Janssen örvunarskammt býr að sögn sóttvarnalæknis sú stefna að reyna að bólusetja sem flesta hér á landi með áhrifaríkum hætti. 1,32 prósent íbúa fátækustu ríkja heims hafa verið bólusett.
Kjarninn 26. júlí 2021
Meira úr sama flokkiErlent
None