Ther­esa May, for­sæt­is­ráð­herra Bret­lands, vill boða til þing­kosn­inga í Bret­landi. Kosn­ing­arnar eiga að fara fram þann 8. júní næst­kom­and­i. 

Þetta til­kynnti May rétt í þessu á blaða­manna­fundi. Hún sagði að eftir að Bretar ákváðu að ganga út úr Evr­ópu­sam­band­inu í júní í fyrra hafi þjóðin þurft stöð­ug­leika og sterka leið­toga. Það hafi hennar rík­is­stjórn veitt frá því að hún tók við síð­ast­liðið haust. 

Hún hafi áður sagt að ekki ætti að boða til kosn­inga fyrr en á hefð­bundnum tíma, árið 2020, en nú hafi hún kom­ist að þeirri nið­ur­stöðu að eina leiðin til að tryggja stöð­ug­leika sé að boða til kosn­inga. 

Stjórn­ar­and­stöðu­flokk­arnir séu mót­fallnir áformum Íhalds­flokks­ins um Brex­it, og til að mynda hafi Verka­manna­flokk­ur­inn hótað að greiða atkvæði gegn útgöngu­samn­ingi úr Evr­ópu­sam­band­inu. Hún sé ekki reiðu­búin til að leyfa and­stæð­ingum sínum að setja Brexit samn­inga­við­ræð­urnar í upp­nám, og því þurfi að halda kosn­ing­ar.

May mun því flytja til­lögu um kosn­ing­arnar í breska þing­inu á morg­un. Þingið þarf að sam­þykkja til­lög­una til þess að af kosn­ing­unum verði. Til þess að af því verði þurfa stjórn­ar­and­stöðu­þing­menn að greiða atkvæði með til­lög­unni, þar sem tvo þriðju hluta atkvæða þarf til þess að til­lagan verði sam­þykkt.

Með til­lög­unni má segja að May sé að skora stjórn­ar­and­stöð­una á hólm. Hún sagði að stjórn­ar­and­staðan ætti að sam­þykkja til­lögu hennar og leyfa bresku þjóð­inni að ákveða.