Jens Garðar Helga­son, for­maður Sam­taka fyr­ir­tækja í sjáv­ar­út­vegi (SFS) og vara­for­maður Sam­taka atvinnu­lífs­ins (SA), beindi þeirri spurn­ingu til stjórn­enda Lands­virkj­un­ar, á árs­fundi fyr­ir­tæk­is­ins í dag, hvort ekki kæmi til greina að nið­ur­greiða orku­verð til heim­ila og fyr­ir­tækja í land­inu, í stað þess að greiða arð til eig­and­ans, íslenska rík­is­ins. (Sjá mynd­band, með­fylgj­andi, 2:08.)

Hörður Arn­ar­son, for­stjóri Lands­virkj­un­ar, var snöggur að svara; „Því er auðsvar­að, það yrði klárt lög­brot“ sagði Hörð­ur, og benti á að lög væru alveg skýr með að það væri óheim­ilt að selja raf­ork­una undir kostn­að­ar­verði. „Jafn­vel þó við vildum það - og ég ætla ekki að segja að við viljum það - þá væri það bann­að,“ sagði Hörð­ur. 

Rekstur Lands­virkj­unar hefur smátt og smátt verið að styrkj­ast og arð­semi eigin fjár fyr­ir­tæk­is­ins, sam­hliða nið­ur­greiðslu skulda, verið að batna. Á næstu árum er horft til þess að arð­greiðslur Lands­virkj­unar til rík­is­ins geti auk­ist mik­ið, en fjallað var um þessa stöðu í ítar­legri grein Ket­ils Sig­ur­jóns­son­ar, lög­fræð­ings og sér­fræð­ings í orku­mál­um, á vef Kjarn­ans í gær

.Í lok árs í fyrra námu eignir Lands­virkj­unar 4,3 millj­örðum Banda­ríkja­dala, eða um 450 millj­örðum íslenskra króna. 

Eig­in­fjár­hlut­fall fyr­ir­tæk­is­ins var ríf­lega 45,5 pró­sent og námu heildar rekstr­ar­tekjur 420 millj­ónum Banda­ríkja­dala, eða sem nemur um 50 millj­örðum króna.