Engum sektum verið beitt vegna brota á auglýsingum heimagistinga

Sýslumannsembætti Höfuðborgarsvæðisins var úthlutað auknum fjármunum til að standa straum af kostnaði við hert eftirlit með heimagistingum.

Sýslumannsembættið á höfuðborgarsvæðinu hefur um þrjú hundruð heimagistinga á skrá
Sýslumannsembættið á höfuðborgarsvæðinu hefur um þrjú hundruð heimagistinga á skrá
Auglýsing

Engar sektir hafa verið gefnar út af hálfu sýslu­manns­emb­ætt­is­ins á höf­uð­borg­ar­svæð­inu vegna aug­lýs­inga á heimagist­ingu. Í nýjum lög­um, sem tóku gildi um ára­mót­in, segir að í öllum aug­lýs­ingum á starf­semi skráðrar heimagist­ingar skuli skrán­ing­ar­númer koma fram. Í reglu­gerð er þó veitt und­an­þága frá því að núm­erið sé lesið upp í útvarpi. Ef skrán­ing­ar­skyld starf­semi er aug­lýst án skrán­ing­ar­núm­ers getur það varðað sekt allt að einni milljón króna. 

Sýslu­manns­emb­ætt­inu á höf­uð­borg­ar­svæð­inu er falið eft­ir­lit með skrán­ing­ar­skyldum heimagist­ingum á lands­vísu. Eft­ir­litið felur meðal ann­ars í sér að fylgst er með bók­un­ar­síðum á borð við Air­bnb og book­ing.com. Þetta kemur fram í svari sýslu­manns­emb­ætt­is­ins við fyr­ir­spurnum Kjarn­ans. Einnig kemur fram í svari emb­ætt­is­ins að í fjár­lögum hafi verið gert ráð fyrir auknum fjár­veit­ingum til að sinna eft­ir­lits­hlut­verk­inu. Ekki feng­ust svör við hversu háar þær fjár­veit­ingar voru, en í umsögn emb­ætt­is­ins með frum­varpi lag­anna er áætl­aður árlegur kostn­aður með eft­ir­lit­inu 23.670.000 krón­ur. Auk þess var gert ráð fyrir rúm­lega níu millj­óna króna stofn­kostn­aði, meðal ann­ars vegna upp­setn­ingu á vef­síðu og for­rit­unar vinnu.

Í óform­legri athugun Kjarn­ans á skrán­ing­ar­núm­erum, sem aðgengi­leg eru á heima­síðu sýslu­manns­ins á höf­uð­borg­ar­svæð­inu, komu skrán­ing­ar­númer hvergi fram í aug­lýs­ing­um. Af þeim tutt­ugu gist­ingum sem flett var upp var aðeins ein aug­lýs­ing þar sem hluti skrán­ing­ar­núm­ers kom fram. Í þeirri aug­lýs­ingu komu aðeins fyrstu tveir bók­stafirn­ir, HG-, fram en öll skrán­ing­ar­núm­erin eiga þessa upp­hafs­stafi sam­eig­in­lega, rest­ina af núm­er­inu vant­aði.

Auglýsing

Við­brögð við gagn­rýni á eft­ir­lit

Sam­kvæmt svari sýslu­manns­emb­ættis höf­uð­borg­ar­svæð­is­ins voru breyt­ing­arnar á lög­unum til þess ætl­aðar að bregð­ast við gagn­rýni á skort á eft­ir­liti með heimagist­ingu. Einnig var þeim ætlað að bregð­ast við þróun á gistifram­boði og leyf­is­lausri starf­semi, meðal ann­ars með því að ein­falda reglu­verkið í kringum mála­flokk­inn. Sam­kvæmt lög­unum mega tekjur af heimagist­ingu ekki vera hærri en tvær millj­ónir króna á ári og aðeins er heim­ilt að selja 90 gistinæt­ur. Með­al­verð gistinætur er því 22 þús­und krón­ur. 

Í umfjöllun á vefnum turist­i.is kemur fram að með­al­verð gistinætur í heimagist­ingu er fjórum sinnum lægra í Sví­þjóð, en þar er með­al­verðið rúmar fimm þús­und krón­ur. Einnig kemur fram á turist­i.is að erfitt sé að fylgj­ast nákvæm­lega með hver veltan á þessum mark­aði er hér á landi þar sem tekjur á mark­aðnum eru taldar upp með mis­mun­andi hætti. Dæmi eru um að tekjur vegna heimagist­ingar hafi verið rang­lega atvinnu­greina­merktar og í ein­hverjum til­vikum gefnar upp sem venju­legar leigu­tekj­ur.

Sam­kvæmt nýju lög­unum er aðeins hægt að skrá til heimagist­ingar hús­næði sem skrán­ing­ar­að­ili hefur til per­sónu­legra afnota. Ef skrán­ing­ar­að­ili er ekki eig­andi fast­eign­ar­innar sem skráð er þarf hann að hafa þar lög­heim­ili og sam­þykki eig­anda fast­eign­ar­innar að liggja fyr­ir. Einnig getur eig­andi fast­eignar skráð fast­eign aðra en lög­heim­ili sitt til heimagist­ingar en ef svo ber undir má eng­inn annar vera skráður þar til lög­heim­il­is. Ef fast­eignin upp­fyllir ekki þessi skil­yrði eða fer fram úr fjölda leyfi­legra gistinótta eða leyfi­legum hámarks­tekjum telst hún vera atvinnu­hús­næð­i. 

Við nán­ari athugun blaða­manns Kjarn­ans á fyrr­nefndum skrán­ing­ar­núm­erum kom í ljós að fyrsta skrán­ing­ar­núm­erið sem gefið var út til­heyrði íbúð sem aug­lýst er ásamt tveimur öðrum íbúðum á sam­eig­in­legu vef­svæði og undir sam­eig­in­legu nafni. Önnur þeirra íbúða er einnig skráð sem heimagist­ing hjá sýslu­manns­emb­ætt­inu hin ekki. Verð á þeim gist­ingum eru frá tæp­lega 22 þús­und krónur til rúm­lega 50 þús­und króna hver nótt. Einnig fund­ust dæmi um sveitag­ist­ingar þar sem aug­lýstar voru gistinætur allt árið í kring og verð­skrá gefin upp bæði fyrir vetrar og sum­ar­tíma. Í engum þess­ara til­fella kom skrán­ing­ar­númer fram í aug­lýs­ingu.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Víðir Reynisson yfirlögregluþjónn hefur ekki áhyggjur af því að almenningur sé orðin ónæmur eða hættur að hlusta þegar almannavarnastig er sett á.
„Almannavarnir lýsa ekki yfir almannavarnarstigi af léttuð“
Víðir Reynisson yfirlögregluþjónn telur að almenningur taki yfirlýsingu neyðarástands vegna COVID-19 ekki af meiri léttúð, þrátt fyrir að neyðarástandi hafi verið lýst yfir fjórum sinnum á síðustu tveimur árum.
Kjarninn 19. janúar 2022
Engin starfsemi hefur verið í kísilverksmiðjunni í Helguvík í rúmlega fjögur ár.
Bæjarstjórnin skorar á Arion banka að hætta við áform um endurræsingu kísilversins
Bæjarstjórn Reykjanesbæjar skorar á Arion banka að falla frá áformum um endurræsingu kísilversins í Helguvík og hefja viðræður við sveitarfélagið um aðrar og grænni leiðir.
Kjarninn 19. janúar 2022
Willum Þór Þórsson heilbrigðisráðherra.
Hraðpróf í tengslum við smitgát úr sögunni og fólk í einangrun má fara í stutta göngutúra
Heilbrigðisráðherra hefur staðfest reglugerð þess efnis að þeir sem eru í smitgát þurfi ekki lengur að fara í hraðpróf, heldur einungis að fara gætilega. Einnig er rýmkað fyrir útiveru þeirra sem eru í einangrun.
Kjarninn 19. janúar 2022
Tómas A. Tómasson þingmaður Flokks fólksins.
„Það er ósanngjarnt að reka fólk heim þegar það getur unnið“
Þingmaður Flokks fólksins gerði málefni eldri borgara að umtalsefni á þinginu í dag.
Kjarninn 19. janúar 2022
Bólusetning með bóluefni Pfizer er hafin í Nepal.
Meira en milljarður skammta loks afhentur í gegnum COVAX
Markmið COVAX-samstarfsins náðust ekki á síðasta ári. Þó er komið að þeim áfanga að milljarður skammta hefur verið afhentur í gegnum samstarfið. Mun betur má ef duga skal.
Kjarninn 19. janúar 2022
Launafólk í verri stöðu en fyrir ári síðan
Þrátt fyrir mikinn hagvöxt í fyrra hefur fjárhagsstaða og andleg heilsa launafólks versnað töluvert á milli ára, samkvæmt nýrri skoðanakönnun frá Vörðu. Tæpur helmingur innflytjenda segist nú eiga erfitt með að ná endum saman.
Kjarninn 19. janúar 2022
Þórólfur Guðnason sóttvarnalæknir.
Vísar gagnrýni um samráðsleysi til föðurhúsanna
Sóttvarnalæknir vísar á bug gagnrýni um að hann hafi aðeins samráð við sjálfan sig. Hann á ekki von á því að leggja fram nýtt minnisblað þar til gildandi samkomutakmarkanir renna út. Til greina kemur að stytta einangrun smitaðra.
Kjarninn 19. janúar 2022
Fyrrverandi bæjarstjóri í Hafnarfirði ráðin sem aðstoðarmaður ráðherra
Guðmundur Ingi Guðbrandsson, félagsmála- og vinnumarkaðsráðherra og varaformaður Vinstri grænna, hefur ráðið tvo aðstoðarmenn. Annar var einu sinni bæjarstjóri og síðar framkvæmdastjóri ASÍ um árabil.
Kjarninn 19. janúar 2022
Meira úr sama flokkiInnlent
None