Unnur Gunn­ars­dótt­ir, for­stjóri Fjár­mála­eft­ir­lits­ins (FME), segir í inn­gangi að árs­skýrslu eft­ir­lits­ins að það sé ljóst af umræð­unni um söl­una á hlut í Arion banka, að Íslend­ingum sé umhugað um að stjórn­ar­hættir sem tíðk­uð­ust í aðdrag­anda fjár­mála­á­falls­ins 2008 end­ur­taki sig ekki. 

Þá nefnir hún sér­stak­lega að slitabú Kaup­þings og Glitn­is, þar sem vog­un­ar­sjóð­irnir voru og hafa verið með þræð­ina í hendi sér, hafi á sínum tíma verið metin óhæf til að fara með beina eign­ar­hluti í bönk­un­um. „Þjóð­fé­lags­um­ræðan sem spannst af því að tæp­lega þriðj­ungur hluta­fjár Arion ­banka skipti nýlega um hendur var óvenju til­finn­inga­rík. Ljóst er að Íslend­ing­um er umhugað um að stjórn­ar­hættir sem tíðk­uð­ust í aðdrag­anda fjár­mála­á­falls­ins 2008 end­ur­taki sig ekki. Erlendir fjár­fest­ing­ar­sjóðir keyptu hlut­ina af Kaup­þing­i en fyrir Fjár­mála­eft­ir­lit­inu liggur það verk­efni að meta hæfi þeirra til að eiga ­virka eign­ar­hluti. Slitabú Kaup­þings og Glitnis voru á sínum tíma talin óhæf til­ að vera virkir eig­endur en áttu eftir sem áður bank­ana að mestu leyti sam­kvæmt ­sam­komu­lagi um upp­gjör á milli stjórn­valda og kröfu­hafa. Málið var leyst ­sam­kvæmt þágild­andi lögum með stofnun eign­ar­halds­fé­laga sem báru ábyrgð á að bönk­unum væri stjórnað í arms­lengd­ar­fjar­lægð frá eig­endum þeirra,“ segir Unn­ur.

Í mars síð­ast­liðnum keyptu vog­un­ar- og fjár­fest­inga­sjóðir um 30 pró­sent hlut í Arion banka.  Fé­lagið Sculptor Invest­­ments s.a.r.l. keypti 6,6 pró­­senta hlut í Arion banka en það er í eigu Och-Ziff Capi­tal Mana­gement, sem hefur verið tölu­vert í umræð­unni að und­an­förnu vegna mik­illa erf­ið­leika í rekstri og lög­brota sem bandríska dóms­mála­ráðu­neytið sekta það fyrir í sept­em­ber í fyrra. Sam­tals nam sektin 213 millj­ónum Banda­ríkja­dala, eða sem nemur tæp­lega 25 millj­örðum króna.

Kaup­skil ehf., félag í eigu Kaup­­þings, á 57,9 pró­­sent hlut í Arion banka, íslenska ríkið 13 pró­­sent, vog­un­­ar­­sjóður í eigu Taconic Capi­­tal Advis­ors 9,9 pró­­sent, Attestor Capi­­tal LLP 9,9 pró­­sent og Gold­man Sachs 2,6 pró­­sent.

Unnur segir í inn­gangs­orðum sínum í skýrsl­unni að þáttur í því að meta hæfi þess­ara nýju eig­enda er að horfa í gegnum beint og óbeint eign­ar­hald á bank­an­um. „Þrátt fyrir að nú sé um eitt og hálft ár liðið frá því að nauða­samn­ingar voru gerð­ir, með skuld­bind­ing­u slita­bú­anna til að greiða stöð­ug­leika­fram­lag í rík­is­sjóð, eru skil­yrðin enn í gildi varð­andi aðkomu ­Kaup­þings og nýrra eig­enda Arion banka að rekstri hans. Brýnt er að vinda ofan af þessu fyr­ir­komu­lagi og að að­eins þeir sem telj­ast hæfir sam­kvæmt lögum og mat­i Fjár­mála­eft­ir­lits­ins verði virkir eig­endur bank­ans. Þátt­ur í því verður að meta hæfi Kaup­þings og horfa í gegn­um beint og óbeint eign­ar­hald fjár­fest­ing­ar­sjóð­anna sem ný­verið keyptu beinan eign­ar­hlut í Arion banka,“ segir Unn­ur.