Mon­ica Caneman hefur ákveðið að láta af stjórn­ar­setu í Arion banka en hún hefur gegnt stjórn­ar­for­mennsku í bank­anum frá árinu 2010. Guð­rún Johnsen, sem hefur verið vara­for­maður á tíma­bil­inu, tekur við sem stjórn­ar­for­maður bank­ans.

Þetta kemur fram í frétta­til­kynn­ingu frá Arion banka. Í stjórn Arion banka eru auk Guð­rún­ar, Þóra Hall­gríms­dótt­ir, Jakob Ásmunds­son, Brynjólfur Bjarna­son, John P. Madd­en, Kirstín Þ. Flygenring og Måns Höglund.

Mon­ica segir í til­kynn­ing­unni að nýlegar breyt­ingar á eign­ar­haldi marki ákveðin þátta­skil í starf­semi bank­ans. „Ég tók við stjórn­ar­for­mennsku í Arion banka á árinu 2010. Það hefur verið afar ánægju­legt að taka þátt í upp­bygg­ingu bank­ans  á und­an­förnum sjö árum og upp­lifa þær jákvæðu breyt­ingar sem hafa átt sér stað. Þetta hefur verið við­burða­ríkur tími þar sem bank­inn, rétt eins og íslenskt efna­hags­líf, hefur styrkst á öllum svið­um. Arion banki nýtur nú góðrar stöðu á þeim mörk­uðum sem hann starfar og er fjár­hags­lega sterk­ur,“ er haft eftir Mon­icu.

„Mik­il­væg­asti drif­kraftur bank­ans er frá­bært starfs­fólk sem hefur staðið sig virki­lega vel á und­an­förnum árum við að byggja upp góðan banka. Nýlegar breyt­ingar á eign­ar­haldi bank­ans marka ákveðin þátta­skil. Frek­ari breyt­ingar á eign­ar­haldi munu eiga sér stað á næst­unni og nýr kafli er því að hefj­ast. Ég tel rétt á þessum tíma­punkti að láta öðrum eftir stjórn­ar­for­mennsku. Ég þakka stjórn­ar­mönnum bank­ans, stjórn­endum og starfs­fólki öllu fyrir far­sælt sam­starf á und­an­förnum sjö árum og óska Arion banka vel­farn­aðar í fram­tíð­inn­i,“ segir hún í frétta­til­kynn­ing­u. 

Eftir kaup­in, sem til­kynnt var um í mars, er Kaup­skil, félag í eigu Kaup­­þings, enn stærsti eig­andi Arion banka með 57,9 pró­­sent hlut. Íslenska ríkið á 13 pró­­sent en sjóð­irnir Attestor Capi­­tal LLP (í gegnum Trinity Invesment Designated Acit­i­vity Company) og Taconic Capi­­tal Advis­ors UK LLP (í gegnum TCA New Sidecar III s.a.r.l.) eiga nú 9,99 pró­­sent hlut hvor. Þá mun Sculptor Invest­­ments s.a.r.l. (fé­lag tengt Och-Ziff Capi­­tal Mana­­gement Group) eiga 6,6 pró­­sent hlut og Gold­man Sachs International 2,6 pró­­sent hlut (í gegnum ELQ Investors II Ltd.).

Fjár­mála­eft­ir­litið er nú að vinna að mati á þessum nýju eig­end­um, en auk þess hefur skrán­ing bank­ans á mark­að­verið í und­ir­bún­ingi.