Landsbankinn ætlar að byggja höfuðstöðvar við Austurhöfn

Landsbankinn ætlar að byggja nýjar höfuðstöðvar í Austurhöfn, og kostnaðurinn er áætlaður tæplega níu milljarðar króna. Bankinn mun minnka við sig um helming með nýju höfuðstöðvunum.

Afstöðumynd af Austurhöfn.
Afstöðumynd af Austurhöfn.
Auglýsing

Bankaráð Landsbankans hefur tekið ákvörðun um að byggja höfuðstöðvar bankans á lóðinni við Austurhöfn í miðbæ Reykjavíkur. Frá þessu er greint í fréttatilkynningu frá bankanum. 

Bankinn hefur skoðað ýmsa kosti í húsnæðismálum í samvinnu við ráðgjafarfyrirtækið KPMG og verkfræðistofuna Mannvit, og niðurstaða greiningar KPMG var sú að ákjósanlegast væri að flytja höfuðstöðvarnar í Austurhöfn. KPMG leit á hagkvæmni, verðgildi húsa til framtíðar, samgöngur, staðsetningu, skipulagsmál, sveigjanleika húsnæðis og þjónustu og mannlíf í nágrenninu þegar skoðaðir voru mismunandi kostir. Meðal annarra kosta sem voru skoðaðir voru lóðir í grennd við Borgartún, Kringluna og Smáralind. 

Landsbankinn keypti lóðina við Austurhöfn árið 2014 með það í huga að þar myndu rísa nýjar höfuðstöðvar bankans. Í kjölfar gagnrýni á það var ákveðið að fresta áformunum og fara yfir málið. Niðurstaðan er sem fyrr segir að halda áfram með áformin um byggingu höfuðstöðva við hlið Hörpu. 

Auglýsing

Kostnaðurinn við að byggja nýjar höfuðstöðvar verður tæpir níu milljarðar króna, að meðtöldu lóðarverðinu, að mati Mannvits. Samkvæmt skipulagi verður húsið 16.500 fermetrar en bankinn ætlar sér að nýta 10 þúsund fermetra sjálfur og leigja út eða selja 6.500 fermetra. Áætlaður kostnaður við hlutann sem bankinn ætlar að nýta er 5,5 milljarðar. Á móti kostnaði kæmi einnig söluverðmæti þeirra fasteigna sem bankinn getur selt við flutningana. 

Í fréttatilkynningunni kemur fram að árlegur sparnaður vegna flutninga sé metinn vera um 500 milljónir króna. Þar er haft eftir Helgu Björk Eiríksdóttur, formanni bankaráðs, að starfsemi bankans í miðborginni sé í þrettán húsum, og húsnæðið sé bæði óhagkvæmt og óhentugt. „Þetta er eitt af þeim skrefum sem brýnt er að taka til að bæta reksturinn og gera Landsbankann betur í stakk búinn til að þróast í síbreytilegu umhverfi. Við munum vanda til verka við úrlausn þessa máls, enda mikilvægt að vel takist til. Við viljum gæta sérstaklega að því að hús bankans við Austurstræti 11, sem hefur menningarlegt og sögulegt gildi, fái áfram að njóta sín.“

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Steinar Frímannsson
Einkarekstur í forgrunni – Umhverfisstefna Sjálfstæðisflokksins
Kjarninn 19. september 2021
Magnús Gottfreðsson, prófessor við læknadeild Háskóla Íslands.
Segir gæði vísindastarfs á Landspítala hafa hrakað á síðustu árum
Prófessor við læknadeild Háskóla Íslands segir að öfugþróun hafi átt sér stað í vísindastarfi á Landspítala eftir að hann var gerður að háskólasjúkrahúsi árið 2000, og að ekkert skilgreint fjármagn hafi fengist til að sinna því.
Kjarninn 19. september 2021
Jean-Rémi Chareyre
VG og loftslagsmálin: Að hugsa lengra en þjóðarnefið nær
Kjarninn 19. september 2021
Árni Stefán Árnason
Dýravernd í aðdraganda alþingiskosninganna 2021 – Hluti I
Kjarninn 19. september 2021
Bjarni Jónsson
Stjórnmálaflokkarnir og dánaraðstoð
Kjarninn 19. september 2021
Soffía Sigurðardóttir
Samvinna til árangurs
Kjarninn 19. september 2021
Lesendum Morgunblaðsins og Fréttablaðsins fækkað um 20 prósent frá miðju ári 2019
Lestur Fréttablaðsins hefur helmingast á rúmum áratug og minnkað um 20 prósent frá því nýir eigendur keyptu blaðið um mitt ár 2019. Þróun á lesendahópi Morgunblaðsins er nánast sú sama. Mikið tap er á rekstri beggja dagblaða.
Kjarninn 19. september 2021
Jón Ormur Halldórsson
Pólitíska miðjan hennar Merkel
Kjarninn 19. september 2021
Meira úr sama flokkiInnlent