Vöru-og þjón­ustu­jöfn­uður mælist jákvæður um tæpa 8 millj­arða á fyrsta árs­fjórð­ungi 2017, sam­kvæmt bráða­birgða­tölum Hag­stof­unn­ar. Eru þetta næst­lægstu árs­fjórð­ungs­tölur sem mælst hafa frá hruni, en við­skipta­af­gangur var aðeins lægri á fyrsta árs­fjórð­ungi 2016.

Afgangur mælist af vöru-og þjón­ustu­jöfn­uði  þegar meira er flutt út af vöru og þjón­ustu en flutt er inn. Munur á þróun þjón­ustu­við­skipta og vöru­við­skipta er greini­leg­ur, en nettó-­út­flutn­ingur á þjón­ustu hefur vaxið gríð­ar­lega á síð­ustu árum á meðan halli á vöru­við­skiptum hefur auk­ist umtals­vert. Hækkun þjón­ustu­út­flutn­ings er að mestu leyti vegna vaxtar í ferða­þjón­ustu en auk­inn vöru­skipta­halla má lík­lega rekja til minnk­andi afla­verð­mæta í sjáv­ar­út­vegi  og stöðn­unar í álút­flutn­ingi í kjöl­far sterkara geng­is.

Ef gengi þjón­ustu­jöfn­uðar er skoðað á mynd 1 sést að árs­tíða­bundnar sveiflur í þjón­ustu­jöfn­uði hafa magn­ast sam­hliða auknu vægi ferða­þjón­ustu í útflutn­ingi. Á sama tíma hefur raun­gengi íslensku krón­unnar styrkst umtals­vert, en svo virð­ist sem styrk­ingin hafi enn lítil áhrif á fjölda ferða­manna.