Goldman Sachs kaupir „hungursskuldabréf“ frá Venesúela

Goldman Sachs hefur sætt gagnrýni eftir kaup á skuldabréfum að andvirði 2,8 milljarða Bandaríkjadala í ríkisreknu venesúelsku olíufyrirtæki. Fyrirtækið er helsta tekjulind ríkisstjórnar Nicolás Maduro sem ásökuð er um mannréttindabrot.

Goldman Sachs
Auglýsing

Gold­man Sachs hefur fest kaup á skulda­bréfum að and­virði 2,8 millj­arða ­Banda­ríkja­dala frá rík­is­rekna venes­ú­elska ol­íu­fyr­ir­tæk­inu Petr­ó­leos de Venezu­ela SA (PdVSAí gegnum miðl­ara í LondonDin­osaur Group. Kaup­verðið á skulda­bréf­un­um, sem eru með gjald­daga árið 2022, var um 865 millj­ón­ir ­Banda­ríkja­dala ­sem þýðir að bréfin voru seld með 31% afslætti miðað við venes­ú­elsk verð­bréf með gjald­daga sama ár.

Julio Borges, leið­togi þings­ins sem er í höndum stjórn­ar­and­stöð­unn­ar, brást við kaup­unum með því að saka Gold­man Sachs um að reyna að græða fjót­lega pen­inga af þján­ing­u venes­ú­elska ­fólks­ins og lagði til að lýð­ræð­is­lega kjörin fram­tíð­ar­rík­is­stjórn lands­ins ætti ekki að við­ur­kenna eða borga af þessum skulda­bréf­um. Stjórn­ar­and­staðan í Venes­ú­ela hefur lengi hvatt Wall Street til að snið­ganga rík­is­stjórn Maduro og koma í veg fyrir áfram­hald­andi þróun í land­inu. Hún for­dæmir skil­mála kaupanna og sam­þykkti nýlega til­lögu í þing­inu um að biðja banda­ríska þingið hefja rann­sókn á kaup­un­um.

Hvers vegna fjár­festa í skulda­bréf­un­um?

Gold­man Sachs er langt frá því að vera eini fjár­festir­inn í venes­ú­elskum skulda­bréfum en sjóðir á borð við Fidelity Invest­mentsBlackRock og HSBC Hold­ings hafa gert slíkt hið sama, sem og jap­anski fjár­fest­inga­bank­inn Nomura sem keypti skulda­bréf að and­virði um 100 millj­ón­ir ­Banda­ríkja­dala í sömu við­skiptum og veittu Gold­man Sachs sinn skerf. Við­skipti í skulda­bréfum rík­is­rekna olíu­fyr­ir­tækja eru meðal algeng­ustu við­skipta í ört vax­andi marköð­um, svoköll­uðum „emerg­ing markets“, og eru þau aðlað­andi að hluta til vegna rík­is­á­byrgðar sem fylgir kaup­un­um. 

Auglýsing

Við­skipti í skulda­bréf­un­um skila miklum skamm­tíma­hagn­aði og ávöxtun af skuldum Venes­ú­ela var einn hæst allra allra rík­is­skulda­skulda­bréfa í síð­ustu viku eftir við­skipti Gold­man Sachs, eða 8,39%. Mögu­leikar á miklum hagn­aði til lengri tíma eru líka til stað­ar; það er ekki ólík­legt að Venes­ú­ela muni neyð­ast til að end­ur­skipu­leggja rík­is­skuldir sínar á næstu árum og þótt að afleið­ingar þess ferlis geta tekið langan tíma getur ávinn­ing­ur­inn orðið mik­ill. Til dæmis græddi fjár­fest­ing­ar­sjóð­ur­inn Elliott Mana­gement um 400% á upp­haf­legu fjár­fest­ingu sinni eftir upp­gjör skulda­bréfa sem hann átti í argent­ínskum skuld­um, fimmtán árum eftir að Argent­ína gekk í gegnum greiðslu­fall árið 2001.

Við­skipti í skulda­bréfum af þessu tagi eru algeng í eft­ir­mörk­uðum og með því að stunda þau eru fjár­festar ekki endi­lega beint að styrkja rík­is­stjórnir í sjálfu sér. Það má færa rök fyrir því að aðgerðir fjár­festa gætu leitt til að lönd á borð við Venes­ú­ela lagi rík­is­fjár­hag sinn til lengri tíma litið og hafi því jákvæð áhrif. Þetta hug­ar­far kom greini­lega í ljós í til­kynn­ingu sem Gold­man Sachs sendi frá sér í kjöl­far gagn­rýn­innar en þar segir að bank­inn við­ur­kenni að staðan í Venes­ú­ela sé flókin og að landið sé í krísu; hins vegar sé bank­inn sam­mála um að lífs­kjör í land­inu verði að batna og að fjár­fest­ing­in hafi að hluta til haft það að sjón­ar­miði.

„Hung­urs­skulda­bréf“

Skulda­bréf­in hafa verið kölluð „hung­urs­skulda­bréf af Ricardo Haus­mann, hag­fræði­pró­fess­or í Harvar­d-há­skóla og fyrr­ver­andi skipu­lags­ráð­herra Venes­ú­ela, vegna þess að þau eru aðal­tekju­lind rík­is­stjórn­ar Nicolás Maduro. Efna­hags­stefna hans hefur leitt til mat­ar­skorts og skorts á nauð­synja­vörum eftir því sem afborgun skulda og vaxta hefur verið sett í for­gang í stað inn­flutn­ings á nauð­synja­vör­u­m. Haus­mann hefur lagt til að fjár­fest­inga­bank­inn JP Morgan Chase fjar­lægi skulda­bréfin úr Emerg­ing Mar­kets-­vísi­tölu sinni sem er vin­sæl hjá verð­bréfa­sjóð­um. Þannig væri hægt að skilja að fjár­fest­ingar í skulda­bréf­unum og gera það að verkum að fjár­festar verði að taka með­vit­aða ákvörðun um að styðja rík­is­stjórn Maduro með því að kaupa þau.

Alþjóða­gjald­eyr­is­sjóð­ur­inn (IMFhefur spáð 720% verð­bólgu í Venes­ú­ela í ár, hag­kerfi lands­ins hefur minnkað um 27% á fjórum árum og rann­sóknir sýna að þrír fjórð­ungar af íbúum lands­ins hafa lést um fjögur kíló að með­al­tali vegna mat­væla­skorts og verð­bólgu. Ung­barna­dauði hefur auk­ist um 30%, mæðra­dauði um 65% og malar­íutil­felli um 76%. Ofbeld­is­full mót­mæli hafa leitt til dauða 55 manns á und­an­förnum mán­uð­um, og Maduro til­kynnti nýlega áform um að breyta stjórn­ar­skrá lands­ins og frestaði um leið fyr­ir­ætl­uðum kosn­ingum í land­inu til lok árs­ins.

Gagn­rýnin á fjár­festum í tengslum við við­skipti á skulda­bréfum ríkja í ástandi á borð við það sem Venes­ú­ela upp­lifir í augna­blik­inu verður að ein­hverju ­leyt­i að telj­ast rétt­mæt. Athyglin sem Gold­man Sachs hefur fengið vegna kaupa sinna er sér­stök vegna vægi, orð­spors og stærðar fjár­fest­inga­bank­ans í alþjóða­fjár­mála­kerf­inu en mætti jafn auð­veld­lega beina að öðrum fjár­fest­um. Hins vegar er meg­in­vanda­mál Venes­ú­ela arfa­slök efna­hags­stefna og getu­leysi rík­is­stjórn­ar Maduro og þróun lands­ins í átt að ein­ræði sem afleið­ing þess að Maduro hefur ekki náð að við­halda þeim lýð­ræð­is­lega stuðn­ingi sem ein­kenndi for­vera hans í emb­ætti, og hug­mynda­fræði­legs arkítekts venes­ú­el­anska stjórn­ar­skrár­inn­ar, Hugo Chá­vez. Tog­streita í land­inu og veru­leikafirr­ing rík­is­stjórn­ar­innar virð­ist aukast með degi hverjum en ljóst er að Maduro getur ekki fjár­magnað setu sína með þessum hætti enda­laust. Fjár­hags­legar horfur fjár­festa eru hins vegar að öllum lík­indum bjartar hvernig sem úr ræt­ist.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Guðmundur Hrafn Arngrímsson og Yngvi Ómar Sighvatsson
Kúgaða fólkið!
Kjarninn 1. desember 2021
Þórunn Sveinbjarnardóttir þingmaður Samfylkingar verður formaður stjórnskipunar- og eftirlitsnefndar.
Þórunn eini nefndarformaður stjórnarandstöðunnar
Sjálfstæðisflokkurinn fer með formennsku í þremur af átta fastanefndum þingsins, Framsókn tveimur og VG tveimur. Bjarkey Olsen Gunnarsdóttir verður formaður fjárlaganefndar, eins og Vinstri græn gáfu reyndar óvart út á mánudag.
Kjarninn 1. desember 2021
Í austurvegi
Í austurvegi
Í austurvegi – Fyrsta sendiráð Íslands í Asíu
Kjarninn 1. desember 2021
Bjarni Benediktsson fjármála- og efnahagsráðherra kynnti fjárlagafrumvarpið sitt fyrir næsta ár í gær.
Útgjöld vegna barnabóta lækka
Ekki er gert ráð fyrir auknum útgjöldum ríkisins til barnabóta á næsta ári, þrátt fyrir að fjárhæðir þeirra til hvers einstaklings hækki og skerðingarmörk verði færð ofar. Áætluð útgjöld eru 11 prósentum minni en þau voru í fyrra.
Kjarninn 1. desember 2021
Hreinn Loftsson, lögmaður og annar aðstoðarmaður innanríkisráðherra.
Hreinn Loftsson hættir sem aðstoðarmaður Áslaugar Örnu og ræður sig til Jóns
Jón Gunnarsson tók við sem innanríkisráðherra á sunnudag hefur ákveðið að ráða fyrrverandi aðstoðarmann forvera síns í starfi, Hrein Loftsson, sem aðstoðarmann sinn.
Kjarninn 1. desember 2021
Í samfélaginu á Stöðvarfirði eru ekki allir sáttir með fyrirhugaða útgáfu rekstarleyfis til laxeldis gegnt bæjarstæðinu.
Rúmur fjórðungur íbúa á Stöðvarfirði leggst gegn fyrirhuguðu laxeldi
Matvælastofnun fékk á dögunum sendar undirskriftir um 50 íbúa á Stöðvarfirði sem mótmæla því að Fiskeldi Austfjarða fái útgefið rekstrarleyfi fyrir 7.000 tonna laxeldi í firðinum. Íbúar eru efins um að mörg störf verði til á Stöðvarfirði vegna eldisins.
Kjarninn 1. desember 2021
Þórður Snær Júlíusson
Ríkisstjórn þeirra sem vilja stjórna, ekki leiða
Kjarninn 1. desember 2021
Milljarðar gætu ratað úr fyrirtæki í eigu borgarinnar í ríkissjóð vegna afleiðusamninga við Glitni
Orkuveita Reykjavíkur vildi ekki gera upp afleiðusamninga við Glitni HoldCo vegna þess að hún taldi að félagið hefði framselt samninganna til ríkissjóðs og að það hefði þegar fengið bætur fyrir afglöp endurskoðenda í sátt við PwC.
Kjarninn 1. desember 2021
Meira úr sama flokkiFréttaskýringar