Ingólfur Bender hefur verið ráð­inn hag­fræð­ingur Sam­taka iðn­að­ar­ins og hefur hann þegar hafið störf. Hann var einn þeirra stjórn­enda sem missti vinn­una hjá Íslands­banka í upp­sögnum hjá honum seint í maí, en Ingólfur var aðal­hag­fræð­ingur hjá Grein­ingu Íslands­banka, og þar áður Glitni, frá árinu 2000.

Áður en Ingólfur tók við þeirri stöðu var hann hag­fræð­ingur Sam­taka iðn­að­ar­ins. Hann er því að fara aftur í starf sem hann gengdi fyrir tæpum tveimur ára­tug­um. Ingólfur hefur einnig starfað sem kenn­ari við Háskóla Íslands, sem hag­fræð­ingur í fjár­mála­ráðu­neyt­inu og á Hag­fræði­stofnun Háskóla Íslands. Hann er með meistara­gráðu í hag­fræði frá Háskóla Íslands og BS gráðu í hag­fræði frá sama skóla. 

Jón Bjarni Gunn­ars­son, fram­kvæmda­stjóri SI, segir í frétta­til­kynn­ingu að það sé mik­ill fengur fyrir sam­tökin að fá Ingólf til starfa. „Við þekkjum vel til Ing­ólfs frá fyrri árum þegar hann var hag­fræð­ingur sam­tak­anna um ára­bil. Ingólfur hefur mikla þekk­ingu á íslensku efna­hags­lífi og er vel að sér um þær áskor­anir sem atvinnu­lífið stendur frammi fyr­ir. Það er því verð­mætt fyrir Sam­tök iðn­að­ar­ins og aðild­ar­fyr­ir­tæki sam­tak­anna að fá svo reyndan hag­fræð­ing til liðs við sig.“