Íslenska fyr­ir­tækið Dattaca Labs hefur hafið sam­starf við breska tækni­fyr­ir­tækið Dig­i.me um þróun í miðlun per­sónu­upp­lýs­inga milli fyr­ir­tækja og ein­stak­linga, sam­kvæmt frétta­til­kynn­ingu. Sam­starfið býður upp á spenn­andi tæki­færi, sér­stak­lega í ljósi nýrrar lög­gjafar Evr­ópu­sam­bands­ins um með­höndlun per­sónu­upp­lýs­inga.

Dattaca Labs er íslenskt sprota­fyr­ir­tæki stofnað af Frey Hólm Ket­ils­syni og fjár­fest­inum Bala Kam­allakhar­an. Fyr­ir­tækið sér­hæfir sig í miðlun per­sónu­upp­lýs­inga til fyr­ir­tækja, meðal ann­ars í heil­brigð­is­tækni, fjár­mála-og fjar­skipta­þjón­ustu auk þró­unar í inter­neti hluta (e. Inter­net of Things). Dig­i.me. er enskt tækni­fyr­ir­tæki stofnað af Julian Ranger, en til­gangur þess er að safna og geyma per­sónu­upp­lýs­ingar ein­stak­linga án þess að hafa aðgang að þeim.

Fyr­ir­tækin binda miklar vonir við sam­starf­ið, en það er fyrst um sinn hugsað um íslenskan mark­að. „Við erum sann­færð um að Ísland geti orðið leið­andi í bylt­ing­unni sem fram undan er í þess­ari tækni­þró­un” segir Julian Ranger, stofn­andi Dig­i.me. 

Íslend­ingar fyrstir með aðgang að staf­rænum heil­brigð­is­upp­lýs­ingum

Í síð­ustu viku kom fram til­kynn­ing um sam­starf Dattaca Labs og Dig­i.me við Land­lækni um opnun heil­brigð­is­upp­lýs­inga Íslend­inga. Þannig hafi Íslend­ingar orðið fyrsta þjóðin í heim­inum þar sem íbúar þess eigi aðgang að staf­rænum afritum af heil­brigð­is­upp­lýs­ing­unum sín­um. Þetta fram­tak fetar í fót­spor Open Notes verk­efn­is­ins sem gefur 14 millj­ónum Banda­ríkja­manna aðgang að heil­brigð­is­upp­lýs­ing­unum sín­um, en það verk­efni hefur leitt til auk­ins heil­brigðis og minni heil­brigðis­út­gjalda sam­kvæmt rann­sóknum. 

Sókn­ar­færi vegna nýrrar lög­gjafar

Á næsta ári mun ný lög­gjöf Evr­ópu­sam­bands­ins um per­sónu­upp­lýs­ingar (EU GDPR) taka gildi, en mark­mið hennar er að skil­greina rétt ein­stak­linga að eigin per­sónu­upp­lýs­ing­um. Meðal breyt­inga sem lög­gjöfin hefur í för með sér eru auknar kröfur um sam­þykki ein­stak­linga fyrir vinnslu per­sónu­upp­lýs­inga, en sam­starf Dattaca Labs og Dig­i.me felst meðal ann­ars í því að miðla þessum upp­lýs­ingum til fyr­ir­tækja á for­sendum ein­stak­ling­anna. „Inn­leið­ing þess­arar reglu­gerðar er í raun­inni grunn­ur­inn að þessu sam­starfi” segir Freyr Ket­ils­son, stofn­andi Dattaca, í við­tali við Kjarn­ann.