Þingmaður Sjálfstæðisflokks gagnrýnir aftur kostnað við hælisleitendur

Ásmundur Friðriksson segist hafa heyrt að kostnaður vegna móttöku hælisleitenda á Íslandi verði 3-6 milljarðar króna í ár. Það sé á við ein til tvö Dýrafjarðargöng.

Auglýsing
Ásmundur Friðriksson, þingmaður Sjálfstæðisflokksins.
Ásmundur Friðriksson, þingmaður Sjálfstæðisflokksins.

Ásmundur Frið­riks­son, þing­maður Sjálf­stæð­is­flokks, segir að kostn­aður vegna mót­töku á hæl­is­leit­endum hafi farið langt fram úr áætl­unum á und­an­förnum árum. Hann segir að í febr­úar menn séð það strax  „að þegar talað var um 500 hæl­is­leit­endur á þessu ári vor komnir 700 en núna eru menn farnir að tala um að þetta verði á annað þús­und og kannski meira og kostn­að­ur­inn sem ég hef heyrt er 3-6 millj­arð­ar, eða ein til tvö Dýra­fjarð­ar­göng á ári.“ Þetta kom fram í við­tali við Ásmund á Útvarpi Sögu í gær. 

Sam­kvæmt tölum sem birtar eru á vef Útlend­inga­stofn­unar sóttu 1.132 um vernd hér­lendis á árinu 2016. Af þeim var alls 111 manns veitt vernd, við­bót­ar­vernd eða mann­úð­ar­leyfi til að dvelja á Íslandi. Öðrum var annað hvort synj­að, þeir end­ur­send­ir, veitt vernd í öðru ríki eða drógu til baka umsóknir sín­ar. Á fyrstu fimm mán­uðum árs­ins 2017 sóttu alls 370 manns um vernd. Af þeim hafa 52 fengið vernd, við­bót­ar­vernd eða mann­úð­ar­leyfi. Í des­em­ber 2016 voru 820 umsækj­endur hér­lendis annað hvort þjón­u­staðir af sveit­ar­fé­lögum eða Útlend­inga­stofn­un. Þeim hefur farið hratt fækk­andi og 1. júní voru þeir 545 tals­ins. 

Bar kostnað við hæl­is­leit­endur saman við skurð­stofu í Vest­manna­eyjum

Þetta er ekki í fyrsta sinn sem Ásmundur gerir athuga­semd við kostnað rík­is­ins vegna hæl­is­leit­enda. Í sept­em­ber í fyrra gagn­rýndi hann að fjár­­fram­lög til Útlend­inga­­stofn­unar hafi auk­ist vegna fjölg­unar hæl­­is­­leit­enda hér á landi og fjölgun hæl­­is­­leit­enda. Hæl­­is­­leit­end­ur er annar flokkur flótta­­manna sem stöðugt sækir til lands­ins og er að mestu sam­an­­settur af ungum karl­­mönnum sem koma hing­að ­vega­bréfa­­laus­­ir. Í nýsam­­þykktum lögum um útlend­inga eru skila­­boð Alþingis skýr til þessa hóps og eru að skila sér,“ sagði Ásmundur og tal­aði svo um mikla fjölgun hæl­­is­­leit­enda hér á land­i.  

Auglýsing

Hann sagði dval­­ar­­gjöld hæl­­is­­leit­enda sem ekki fái úrlausn sinna mála vera 234 þús­und krónur á mán­uði á meðan lág­­marks­elli­líf­eyrir væri 212 þús­und krón­­ur. Þegar hann sagði þetta hróp­aði Helgi Hrafn Gunn­­ar­s­­son, þáver­andi þing­­maður Pírata, „skammastu þín“ á Ásmund. 

Ásmundur sagði 1200 millj­­ónir sam­tals fara til Útlend­inga­­stofn­unar á ári vegna hæl­­is­­leit­enda. „Það sama og myndi kosta að reka skurð­­stofu á Heil­brigð­is­­stofnun Suð­­ur­lands á sjúkra­hús­inu í Vest­­manna­eyjum en þar er enga skurð­­stofu eða fæð­ing­­ar­hjálp að hafa,“ sagði Ásmund­­ur. Hann gagn­rýndi að lokum útlend­inga­lögin nýju og sagði Íslend­inga ekki læra af reynslu ann­­arra ríkja. 

Spurði hvort múslimar væru bak­grunns­skoð­aðir

Ásmundur hefur líka vakið athygli fyrir ummæli sín um múslima og ógn­ina sem hann telur Íslandi stafa af hryðju­verka­mönn­um. Í jan­úar 2015 varp­aði hann fram þeirri spurn­ingu í Face­book-­stöðu­upp­færslu, nokkrum dögum eftir skotárás­ina á rit­stjórn­ar­skrif­stofur franska teikni­mynda­blaðs­ins Charlie Hebdo, hvort þeir 1.500 múslimar sem búi á Íslandi hafi verið athug­aðir og hvort ein­hverjir úr þeirra hópi hafi fengið þjálfun hjá sam­tökum sem skil­greind hafa verið sem hryðju­verkaógn. Ásmundur spurði enn­fremur hvort inn­an­rík­is­ráðu­neytið hefði gert rað­staf­anir vegna þess­ara ógna.



Stöðu­upp­færsla Ásmund­ar, og frétta­flutn­ingur af henni sem fylgdi í kjöl­farið vakti mikla athygli og skömmu síðar við­ur­kenndi Ásmundur í við­tali við Kast­ljós að hann þekkti sam­fé­lag múslima „nán­ast ekki neitt“. Múslimar hefðu hins vegar sjálfir áhyggjur af því að „múslim­istar“ vilji koma til Íslands. 

Um mán­uði síð­ar, í febr­úar 2015, var umræða um störf þings­ins á Alþingi. Þar steig Ásmundur í pontu og lýsti yfir von­brigðum sínum með sam­fé­lags­um­ræð­una um þá hættu sem steðji að hinum frjálsa heimi og þjóð­fé­lögum vegna fjölg­unar á árásum ein­stak­linga og hvers konar öfga­hópa. 

Orð­rétt sagði Ásmund­ur: „Hér á landi á engin slík umræða sér stað og það er spurn­ing hve lengi við ætlum að skila auðu í umræðu um öryggi íbú­anna. Hér haf­ast menn öðru­vísi að. Þeir sem vekja athygli á hætt­unni er steðjar að nágrönnum okkar eru skotnir niður og ataðir auri í sam­fé­lags­um­ræð­unni sem aldrei kemst á það stig að ræða um mál­efn­ið. [...] Tján­ing­ar­frelsi er fótum troðið en það virð­ist oft og tíðum aðeins vera fyrir útvalda. Ég þakka hæst­virtum inn­an­rík­is­ráð­herra Ólöfu Nor­dal fyrir að hefja umræð­una um hvort taka skuli upp for­virkar rann­sókn­ar­heim­ildir hér á landi. Tökum umræð­una í sam­fé­lag­inu um þá ógn sem steðjar að í nágranna­löndum okk­ar. Við getum ekki tekið þá áhættu að hún ber­ist ekki hing­að“.

Í mars 2015 var Ásmundur annar aðal­gesta sjón­varps­þátt­ar­ins Eyj­unn­ar, sem þá var á dag­skrá Stöðvar 2. Þar ræddi hann aftur um að ógnin af hryðju­verka­mönnum væri stað­reynd og sagði: „Núna eru þeir ekki aðeins komnir til Dan­merk­ur, þeir eru að spíg­spora hér í bænum þessir menn. Við getum mætt þeim á götu núna. Ég held að miðað við þau við­brögð sem ég hef fengið við þessu, þessi gríð­ar­legu við­brögð sem ég fékk við þessum mál­flutn­ingi mín­um, þakk­læti frá fólk­inu í land­inu, segir mér það að við þurfum að taka þessa umræðu eins og inn­an­rík­is­ráð­herr­ann er byrjuð að tala um for­virkar rann­sókn­ar­heim­ildir og við þurfum auð­vitað að gera þetta æsinga­laust“. 

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Ekki yfirgefa kettina ykkar ef þeir veikjast, segir höfundur rannsóknarinnar. Hugsið enn betur um þá í veikindunum en gætið að sóttvörnum.
Staðfest: Köttur smitaði manneskju af COVID-19
Teymi vísindamanna segist hafa staðfest fyrsta smit af COVID-19 frá heimilisketti í manneskju. Þeir eru undrandi á að það hafi tekið svo langan tíma frá upphafi faraldursins til sanna að slíkt smit geti átt sér stað.
Kjarninn 29. júní 2022
Cassidy Hutchinson fyrir framan þingnefndina í gær.
Það sem Trump vissi
Forseti Bandaríkjanna reyndi með valdi að ná stjórn á bíl, vildi að vopnuðum lýð yrði hleypt inn á samkomu við Hvíta húsið og sagði varaforseta sinn eiga skilið að hrópað væri „hengið hann!“ Þáttur Donalds Trump í árásinni í Washington er að skýrast.
Kjarninn 29. júní 2022
Óskar Guðmundsson
Hugmynd að nýju launakerfi öryrkja
Kjarninn 29. júní 2022
Þau Auður Arnardóttir og Þröstu Olaf Sigurjónsson hafa rannsakað hvaða áhrif kynjakvóti í stjörnum hefur haft á starfsemi innan þeirra.
Kynjakvóti leitt til betri stjórnarhátta og bætt ákvarðanatöku
Rannsókn á áhrifum kynjakvóta í stjórnum fyrirtækja bendir til að umfjöllunarefnin við stjórnarborðið séu fjölbreyttari en áður. Stjórnarformenn eru almennt jákvæðari í garð kynjakvóta en almennir stjórnarmenn.
Kjarninn 29. júní 2022
KR-svæði framtíðarinnar?
Nágrannar töldu sumir þörf á 400 bílastæðum í kjallara undir nýjum KR-velli
Íþróttasvæði KR í Vesturbænum mun taka stórtækum breytingum samkvæmt nýsamþykktu deiliskipulagi, sem gerir ráð fyrir byggingu hundrað íbúða við nýjan knattspyrnuvöll félagsins. Nágrannar hafa sumir miklar áhyggjur af bílastæðamálum.
Kjarninn 29. júní 2022
Landsvirkjun áformar að stækka þrjár virkjanir á Þjórsár-Tungnaársvæðinu: Sigölduvirkjun, Vatnsfellsvirkjun og Hrauneyjafossvirkjun.
Landsvirkjun afhendir ekki arðsemismat
Landsvirkjun segir að þrátt fyrir að áformaðar stækkanir virkjana á Þjórsársvæði muni ekki skila meiri orku séu framkvæmdirnar arðbærar. Fyrirtækið vill hins vegar ekki afhenda Kjarnanum arðsemisútreikningana.
Kjarninn 29. júní 2022
Húsnæðiskostnaður er stærsti áhrifaþátturinn í hækkun verðbólgunnar á milli mánaða, en án húsnæðisliðsins mælist verðbólga nú 6,5 prósent.
Verðbólgan mælist 8,8 prósent í júní
Fara þarf aftur til októbermánaðar árið 2009 til þess að finna meiri verðbólgu en nú mælist á Íslandi. Hækkandi húsnæðiskostnaður og bensín- og olíuverð eru helstu áhrifaþættir hækkunar frá fyrri mánuði, er verðbólgan mældist 7,6 prósent.
Kjarninn 29. júní 2022
Raddir margbreytileikans
Raddir margbreytileikans
Raddir margbreytileikans – 26. þáttur: Stjórnvaldstækni ríkisvaldsins og „vofa“ móðurinnar móta karlmennskuvitund ungra flóttamanna
Kjarninn 29. júní 2022
Meira úr sama flokkiInnlent