Heild­ar­skuldir rík­is­ins voru 69,5% af áætl­aðri lands­fram­leiðslu á fyrsta árs­fjórð­ungi 2017. Hlut­fallið er það lægsta frá hruni, en það hefur stöðugt lækkað frá fjórða árs­fjórð­ungi 2014.

 Þetta kemur fram í Hag­tíð­indum Hag­stofu sem komu út fyrr í dag. Þar voru fjár­mál hins opin­bera einnig rædd, en hreinar tekjur rík­is­ins á fyrsta árs­fjórð­ungi 2017 námu 17,6 millj­örðum króna. Eru það einnig hæstu árs­fjórð­ungs­tölur þess efnis frá hruni, ef litið er fram hjá ­stöð­ug­leika­fram­lagi frá kröfu­höfum föllnu fjár­mála­fyr­ir­tækj­anna í fyrra.

Stöð­ug­leika­fram­lagið skekkir mynd­ina tölu­vert, en vegna þeirra mæld­ust hreinar tekjur á fyrsta árs­fjórð­ungi árið 2016 um 384,3 millj­arðar króna. Án þeirra hefðu hreinar tekjur rík­is­ins hins vegar verið nei­kvæðar um 13 millj­arða króna, eins og sjá má á mynd að ofan.

Tekju­af­koman er 3,1% af lands­fram­leiðslu árs­fjórð­ungs­ins. Til sam­an­burðar voru hreinar tekj­ur ­rík­is­sjóðs ­nei­kvæðar um 2,5% af lands­fram­leiðslu síð­asta árs, ef stöð­ug­leika­fram­lag er ekki talið með. 

Tekjuaukning rík­is­ins er ekki til­komin vegna nið­ur­skurðar í rík­is­fjár­mál­um, þvert á móti hefur sam­neysla auk­ist um 1,8% umfram verð­bólgu frá síð­asta árs­fjórð­ungi, auk þess sem launa­kostn­aður hefur auk­ist tölu­vert. Á móti vegur að skatt­tekjur og ­trygg­ing­ar­gjöld til rík­is­ins hafi auk­ist nokk­uð, eða um 7,6% milli ára.

Sam­hliða bættri afkomu rík­is­sjóðs hefur hlut­fall skulda af lands­fram­leiðslu lækkað stöðugt frá árs­lokum 2014. Nú er það komið niður í 69,5% , sem er lægsta skulda­hlut­fall frá hruni. Hæst var í skulda­hlut­fallið í tæpum 110% árið 2011.