Elfa Ýr Gylfa­dótt­ir, fram­kvæmda­stjóri fjöl­miðla­nefnd­ar, segir að kvart­anir hafi borist nefnd­inni vegna meintrar hat­urs­orð­ræðu í fjöl­miðl­um. Ekki sé þó um mörg mál að ræða. Þetta kemur fram í Morg­un­blað­inu í dag. Ekki er til­greint hvers eðlis þau mál sem komið hafa inn á borð nefnd­ar­innar eru.

Þar segir Elfa Ýr enn fremur að fjöl­miðla­nefnd hafi heim­ild til að birta álit í málum sem snúa að hat­urs­orð­ræðu en munur sé á þeirri grein fjöl­miðla­laga og ákvæði um hat­urs­orð­ræðu í almennum hegn­ing­ar­lög­um. „Þessi grein kemur í raun úr hljóð- og mynd­miðl­un­ar­til­skipun Evr­ópu­sam­bands­ins, sem þarf að inn­leiða í öllum EES-­ríkj­um.

Til­skip­unin er örygg­is­vent­ill ef ein­hver fjöl­mið­ill er með kerf­is­bundnum hætti að miðla hat­ursá­róðri. Til­skip­unin er hryggjar­stykkið í þessum fjöl­miðla­lög­um. Það er gerð sú krafa að öll EES-­ríkin séu með virkt eft­ir­lit sjálf­stæðra aðila sem eru ótengdir ráðu­neyt­un­um. Þeir skuli hafa eft­ir­lit með því að farið sé að þessum ákvæðum í öllum EES-­ríkj­un­unum og að tekið sé á þeim með sam­ræmdum hætti, þannig að lyktir mála séu svip­aðar í öllum EES-­ríkj­un­um.“

Í fyrra­haust stóðu fjöl­miðla­nefnd og Mann­rétt­inda­skrif­stofa Íslands fyrir mál­stofu um hat­urs­orð­ræðu, á Fundi fólks­ins í Nor­ræna hús­inu. Hægt er að lesa sam­an­tekt fjöl­miðla­nefndar af mál­stof­unni hér.