Alls segj­ast 43 pró­sent lands­manna að þeir hafi farið í verslun Costco í Kaup­túni í Garðabæ frá því að hún opn­aði. Önnur 49 pró­sent segj­ast ætla að fara við tæki­færi en ein­ungis 7,7 pró­sent lands­manna segja að þeir ætli ekki að fara. Þetta kemur fram í nýrri könnun MMR. 

Sam­fylk­ing­ar­fólk og kjós­endur Fram­sóknar er ólík­leg­ast til að ætla að fara í Costco en kjós­endur Sjálf­stæð­is­flokks og Við­reisnar eru lík­leg­astir til að hafa annað hvort farið í versl­un­ina eða ætla sér að fara á næst­unni. Alls segj­ast 95 pró­sent sjálf­stæð­is­manna að þeir hafi annað hvort þegar farið eða ætli sér að fara á næst­unni, og 94 pró­sent kjós­enda Við­reisn­ar. 

Íbúar höf­uð­borg­ar­svæð­is­ins hafa eðli­lega frekar farið í Costco en íbúðar lands­byggð­ar­innar en samt vekur athygli að 89 pró­sent lands­byggð­ar­innar ætlar að fara í versl­un­ina. Tekju­hærri eru lík­legri en tekju­lægri að fara í Costco og fólk yfir 68 ára er langólík­leg­ast að ætla sér að heim­sækja versl­un­ina. Alls segj­ast 18 pró­sent þeirra sem til­heyra þeim hópi ekki ætla í Costco.

Alls tóku 974 ein­stak­ling­ar þátt í könn­un­inni sem var fram­kvæmd 6.-14. júní 2017.