Segir hagsmuni Íslands í Brexit meiri en í Icesave

Framkvæmdastjóri SFS segir mikilvægt að íslensk stjórnvöld fjármagni hagsmunabaráttu íslensks efnahagslífs í Brexit-viðræðunum.

Auglýsing
18 prósent af útfluttum sjávarafurðum fara til Bretlands. Það er því mikið hagsmunamál fyrir íslenskan sjávarútveg að Ísland tryggi áframhaldandi viðskiptasamband eftir Brexit.
18 prósent af útfluttum sjávarafurðum fara til Bretlands. Það er því mikið hagsmunamál fyrir íslenskan sjávarútveg að Ísland tryggi áframhaldandi viðskiptasamband eftir Brexit.

Í Brexit eru fólgnir meiri hags­munir en í Ices­a­ve-­mál­inu fyrir íslenskan efna­hag, sagði Heiðrún Lind Mart­eins­dótt­ir, fram­kvæmda­stjóri Sam­taka fyr­ir­tækja í sjáv­ar­út­vegi (SFS), á fundi SFS um Brexit í síð­ustu viku. Fjallað er um fund­inn í Fiski­fréttum.

11 pró­sent af vöru- og þjón­ustu­við­skiptum Íslands eru við Bret­land og er megnið af þeim við­skiptum fólgin í verslun með fisk og fiskaf­urðir eða 69 pró­sent. Sjáv­ar­út­veg­ur­inn á Íslandi hefur þess vegna enn meiri hags­muna að gæta en aðrir geir­ar. 18 pró­sent af útfluttum sjáv­ar­af­urðum frá Íslandi fara til Bret­lands.

Samn­inga­við­ræður milli Bret­lands og Evr­ópu­sam­bands­ins hófust form­lega í vik­unni með fundi aðal­samn­inga­manna beggja aðila. Bretar ákváðu í þjóð­ar­at­kvæða­greiðslu í júní í fyrra að ganga úr Evr­ópu­sam­band­inu.

Heiðrún Lind Marteinsdóttir, framkvæmdastjóri SFS.Bret­land hefur verið aðili að ESB síðan árið 1973 og hefur verið aðili að sam­eig­in­legum mark­aði Evr­ópu. Ísland er einnig aðili að þeim mark­aði í gegnum samn­ing­inn um evr­ópska efna­hags­svæðið (EES-­samn­ing­inn). Auk gam­als frí­versl­un­ar­samn­ings síðan 1972, sem Ísland er aðili að í gegnum EFTA-­sam­starf­ið, er EES-­samn­ing­ur­inn eini ramm­inn um við­skipti Íslands og Bret­land.

Útganga Bret­lands úr ESB getur þess vegna haft mikil áhrif á við­skipti milli Íslands og Bret­lands. Íslenskt efna­hags­líf þess vegna mik­illa hags­muna að gæta í samn­inga­við­ræðum ESB og Bret­lands.

Auglýsing

Margir óvissu­þættir og Brexit bæt­ist við

Haft er eftir Heiðrúnu Lind í Fiski­fréttum að mik­il­vægt sé að íslensk stjórn­völd leggi til fjár­muni til þess að fjár­festa í fram­tíð­ar­hags­munum Íslend­inga. „Um er að ræða meiri hags­muni en þá sem voru undir í Ices­a­ve-­mál­inu og í því máli má með var­færnum hætti telja að kostn­aður við sér­fræði­ráð­gjöf hafi farið yfir 500 millj­ónir króna. Til að rétt sé á hags­munum haldið frá upp­hafi, þurfa stjórn­völd því að leggja til fjár­muni – fjár­fest­ingu í fram­tíð­ar­hags­munum Íslend­inga,“ segir Heiðrún Lind.

Á breskum mark­aði með sjáv­ar­af­urðir er Ísland stærsti birg­inn, á undan Kín­verj­um. Íslenskar sjáv­ar­af­urðir eru mjög verð­mætar í Bret­landi vegna þess hversu ferska vöru íslenskum útflytj­endum tekst að bjóða upp á.

„Fish and Chips“ er vinsæll réttur í Bretlandi. Íslenskur þorskur er oftar en ekki á boðstólnum á breskum veitingahúsum.

Íslensk sjáv­ar­út­flutn­ings­fyr­ir­tæki dreifa afurðum til Evr­ópu í gegnum stór­skipa­höfn í Bret­landi. Afurð­irnar eru svo keyrðar á áfanga­stað.

„Sjáv­ar­út­veg­ur­inn býr auð­vitað við ótelj­andi óvissu­þætti – fiski­stofn­arn­ir, svipt­ingar á mörk­uð­um, gengi krón­unn­ar, veðrið, olíu­verðið og kannski það sem rétt er að nefna, en ég ætti vafa­laust ekki að gera, stjórn­mála­menn. Brexit er enn ein áhættan sem nú er að raun­ger­ast og þá er spurn­ingin hvernig við ætlum að takast á við þessar aðstæð­ur. Þetta er hreint ótrú­lega dýr­mætur tími að und­ir­búa okkar mál­flutn­ing gagn­vart Bretum og hvernig við ætlum að vernda okkar hags­muni við þær breyt­ingar sem munu klár­lega verða,“ er haft eftir Heiðrúnu Lind.

Upphafið - Árstíðaljóð
Safnað fyrir fimmtu ljóðarbók Gunnhildar Þórðardóttur.
Kjarninn 18. ágúst 2019
Guðlaugur Þór Þórðarson
Rúmar 16 milljónir í aðkeypta ráðgjöf og álit vegna þriðja orkupakkans
Kostnaður vegna innlendrar ráðgjafar og álita nemur rúmlega 7,6 milljónum króna og erlends tæpum 8,5 milljónum króna.
Kjarninn 18. ágúst 2019
Katrín Jakobsdóttir forsætisráðherra.
Sex ríkisforstjórar með hærri laun en forsætisráðherra
Laun bankastjóra Landsbankans hafa hækkað mest allra ríkisforstjóra, eða um 82 prósent, frá því að bankaráð bankans tók yfir ákvörðun um launakjör hans. Átta ríkisforstjórar eru með hærri laun en flestir ráðherrar.
Kjarninn 18. ágúst 2019
Vilja steypa Boris Johnson af stóli
Breska stjórnarandstaðan leitar nú að nýjum þingmanni sem gæti orðið forsætisráðherra Bretlands í stað Borisar Johnson. Jeremy Corbyn telur sig vera manninn í verkið, en ekki eru allir innan stjórnarandstöðunnar á sama máli.
Kjarninn 18. ágúst 2019
Draumur um landakaup
Einhverjir hafa kannski, til öryggis, litið á dagatalið sl. föstudag þegar fréttir bárust af því að Bandaríkjaforseti hefði viðrað þá hugmynd að kaupa Grænland. Þetta var þó ekki aprílgabb og ekki í fyrsta skipti sem þessi hugmynd skýtur upp kollinum.
Kjarninn 18. ágúst 2019
Katrín Jakobsdóttir
Ok skiptir heiminn máli
Kjarninn 17. ágúst 2019
Peningastefnunefnd í tíu ár
Gylfi Zoega segir að framtíðin muni leiða í ljós hvort áfram takist að ná góðum árangri eins og hafi verið gert með peningastefnu síðustu 10 ára á Íslandi en reynslan síðasta áratuginn sé samt staðfesting þess að það sé hægt ef vilji sé fyrir hendi.
Kjarninn 17. ágúst 2019
Gunnar Hólmsteinn Ársælsson
Nýir tímar á Norðurslóðum?
Kjarninn 17. ágúst 2019
Meira úr sama flokkiInnlent