Breskar verk­smiðjur nutu ekki góðs af auk­inni eft­ir­spurn í Evr­ópu og Asíu í júní, þrátt fyrir veik­ingu punds­ins. Þetta kemur fram á vef Reuters.

Aukn­ing fram­leiðslu­magns verk­smiðja á evru­svæð­inu síð­ustu vikur var sú mesta í sex ár. Sömu­leiðis jókst fram­leiðsla í mörgum Asíu­ríkjum sam­hliða auk­inni eft­ir­spurn á raf­vörum á alþjóða­vísu.  

Vöxt­ur­inn náði hins vegar ekki í jafn­miklum mæli til Bret­lands þar sem eft­ir­spurn­inni er haldið niðri af tveimur þátt­um, vax­andi verð­bólgu­vænt­ingum og hæg­ari launa­vexti, sam­kvæmt könnun sem Reuters lagði fram. Báðir þættir eru taldir vera afleið­ing­ar væntrar úr­sagnar Breta úr Evr­ópu­sam­band­inu.

Nið­ur­stöður könn­un­ar­innar bentu til þess að áhrif veik­ingar á gengi punds­ins hafi ekki skilað sér að fullu leyti, en búist var við því að geng­is­lækkun myndi gera útflutn­ings­greinar Breta sam­keppn­is­hæf­ari. Sú hefur ekki verið raun­in, en frétta­stofa Reuter telur að þessar óvæntu nið­ur­stöður gætu frestað vaxta­hækkun hjá seðla­banka Eng­lands (Bank of England).

Ótt­ast er að verð­bólga muni fara vax­andi í Bret­landi á næst­unni í kjöl­far Brexit, en seðla­bank­inn hefur gefið út vís­bend­ingar þess efnis að hann muni hækka stýri­vexti sína til þess að halda henni í skefj­um.

Seðla­banka­stjóri Eng­lands, Mark Car­ney, sagð­ist ætla að bíða og sjá hvernig hag­kerfið muni þró­ast í kjöl­far útgöngu­við­ræðna Breta við Evr­ópu­sam­band­ið, þá sér­stak­lega hvort fjár­fest­ing og útflutn­ingur gæti vegið á móti lít­illi neyslu.