Stefano M. Stopp­ani hefur tekið við sem nýr for­stjóri Credit­info Group. Þetta kemur fram í frétta­til­kynn­ingu fyr­ir­tæk­is­ins. 

Stefano tekur við af Reyni Grét­ars­syni, en Reynir mun áfram verða starf­andi stjórn­ar­for­maður Credit­info og stærsti ein­staki eig­andi þess. Í til­kynn­ing­unni segir að Stefano hafi 20 ára reynslu af störfum á fjár­mála­mark­aði á alþjóða­vísu, en hann starf­aði áður sem fram­kvæmda­stjóri við­skipta­þró­unar hjá fyr­ir­tæk­inu SIMAH í Saudi Arab­íu. Einnig hefur hann reynslu úr öðrum fyr­ir­tækj­um, meðal ann­ars CRIF og World Bank Group.

Stefano er með BA gráðu í stjórn­mála­fræði og MBA gráðu úr háskól­anum í Bologna á Ítal­íu. Hann er einnig með meistara­gráðu í þró­un­ar- og alþjóða­málum frá London School of Economics.

„Ég hef þekkt Stefano í langan tíma og fylgst vel með starfs­ferli hans sem er virki­lega glæsi­leg­ur. Hann hefur verið búsettur í 10 löndum og unnið í fjórum heims­álfum þar sem hann hefur unnið að upp­bygg­ingu alþjóð­legra fyr­ir­tækja. Það er mik­ill fengur fyrir Credit­info að fá svona reynslu­mik­inn stjórn­enda til okk­ar," segir Reynir Grét­ars­son, stjórn­ar­for­maður Credit­info Group í frétta­til­kynn­ingu.

„Það eru spenn­andi hlutir framundan og það er mik­ill heiður að taka þátt í við­skipta­þróun með stjórn­ar­for­manni og alþjóð­legu teymi stjórn­enda víðs vegar um heim í upp­bygg­ingu félags­ins," segir nýr for­stjóri fyr­ir­tæk­is­ins, Stefano M. Stopp­ani.