Verð­mið­inn á móð­ur­fé­laga Snapchat, Snap Inc., lækk­aði mikið í gær og er verðið nú komið niður fyrir skrán­ing­ar­gengi félags­ins. Lækk­unin í gær nam tæp­lega níu pró­sentum og er gengið nú 15,6 á hvern hlut. 

Mark­aðsvirði félags­ins er nú 18,2 millj­arðar Banda­ríkja­dala og hefur lækkað hratt og mik­ið. 

Einn þeirra sem hefur efa­semdir um að Snapchat sé á réttri leið er grein­andi hjá Morgan Stanley bank­an­um, Brian Nowak. Hann segir að aug­lýs­ing­­arn­ar hjá Snapchat séu ekki að virka nægi­lega vel, og tekj­urnar séu ekki að aukast eins og við var búist í upp­hafi. 

Með öðrum orð­um, þá gengur illa hjá Snapchat að finna tekju­módel sem virkar vel og fjár­festar hafa trú á.

Helsti keppi­nautur Snapchat er Face­book, og dótt­ur­fyr­ir­tæki þessi, Instagram. Svip­aðar aug­lýs­ingar hjá þeim miðli hafa gengið betur en hjá Snapchat og þá hefur not­endum einnig fjölgað hrað­ar. 

Verð­mið­inn á Face­book er nú 450 millj­arðar Banda­ríkja­dala, og hefur hann hækkað nokkuð að und­an­förnu. Virkir not­endur nálg­ast óðfluga 1,5 millj­arð.