Kaup­höllin til­kynnti í dag að frá og með deg­inum í dag muni hún í sam­starfi við Nas­daq verð­bréfa­mið­stöð birta opin­berar upp­lýs­ingar um heild­ar­veð­setn­ingu íslenska hluta­bréfa­mark­að­ar­ins. Upp­lýs­ingar verða birtar mán­að­ar­lega með mark­aðstil­kynn­ing­u. 

Í til­kynn­ing­unni segir að upp­lýs­ingar um veð­setn­ingu geti veitt ákveðnar vís­bend­ingar um umfang skuld­setn­ingar á hluta­bréfa­mark­aði, eða hversu mikið fjár­festar hafa fengið að láni til að kaupa í skráðum félög­um. Hækk­andi skuld­setn­ing upp að vissu marki  gæti verið jákvæður fyr­ir­boði þar sem hún geti táknað aukna bjart­sýni á meðal fjár­festa. Hins vegar geti of mikil skuld­setn­ing verið litin nei­kvæðum aug­um, meðal ann­ars vegna gruns um bólu­myndun á mark­aði. Einnig geti mikil skuld­setn­ing ýtt undir áhrif nei­kvæðra atburða á hluta­bréfa­verð.

„Með birt­ingu upp­lýs­inga um veð­setn­ingu á íslenska hluta­bréfa­mark­aðnum er stigið enn eitt skrefið í átt að auknu gagn­sæi á mark­aði, sem er einn af horn­steinum hans.“ segir Baldur Thor­laci­us, for­stöðu­maður eft­ir­lits­sviðs Nas­daq Iceland.

Upp­lýs­ingar um veð­setn­ingu mark­að­ar­ins má finna í Mark­aðstil­kynn­ingum á vef Kaup­hall­ar­inn­ar.